لاتعتذر للشاعر زايد المري

[poem=font=",6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""] لاتعتذر مـال الهجـر منـك تبريـر = صـدك بليـا ذنــب والله ظليـمـه
ماصارلي بعدك يفـوق اي تصويـر= تجـددت كـل الجـروح القديمـه
بعدك لعبي في هاجسي والتفاكيـر = وقلب ٍ جريح وروح صبٍ مهيمه
ماغيـراسلـي خاطـري بالمشاويـر = اروح وارجـع والهواجـس مقيـمـه
ياحبي اللـي بيـن بيـض الغناديـر = لك في عروش القلب قـدر وقيمـه
ان كان صدك ماخذك عنـي لغيـر = روّح ولــو ان الخسـايـر وخيـمـه
وان كانها عني خذتـك المقاديـر = فالعفو عنـد المقـدره فيـه شيمـه
يامرحبـا والحـب كـلـه معـاذيـر = تشفـع لـك ايـام الغـرام القديمـه
يوم الهوى لازارنـي منـك أعصيـر = أضم في صدري من اجلـك نسيمـه
واليوم اصبر خاطـر الوجـد تصبيـر = واقول صدك عقب وصلـك جريمـه
ولاجاك مني ياهـوى البـال تقصيـر= مواقـفـي ويــاك والله عظـيـمـه
صخرت لك مشاعـرالشـوق تصخيـر = وامطرتـك بحـب تقـفـاه ديـمـه
وظللتك بجفنـي وصـارت مسافيـر = يـوم الغـلا بيـن النديـم ونديمـه
واليـوم ماتنفـع كثيـرالمحـاذيـر = تفاغمـت بيـن النفـوس الحشيـمـه
عسى سنينك روض عشـب ونواويـر = ومحـد لنفسـه يرتضـي بالهزيـمـه
اما تخاوينـي علـى الشـروالخيـر = والا السلامـه مـنـك راس الغنيـمـه [/poem]


الشاعر زايد المري

مشرفنا الغالي تقبل مروري ,,,


انا اعرف اظلل واقرأ انت تعرف على العموم مشكور على المرور

سلمت يمينك على النقل وصح لسان الشاعر زايد المري

أحسنت على النقل الرائع

وصح لسان الشاعر

وصحت أنامل ناقلها

صح لسانك ولسان قائلها
ويعطيك العافية

يعطيك الف عافيه على النقل الجميل

صح لسان شاعرها

الامير اشكر لك مرورك

عزيزي خلف المهدي باااارك الله فيك على وقوفك على مووضوعي