ياراكب من فوق جمس ٍ لياعط / الشاعر غازي مداد الوقيتان البذالي

قصيده قديمه لها اكثر من 24 سنه وهي اكثر من هذه الابيات ولكن تم نسيان بعض ابياتها ..

ياراكب من فوق جمس ٍ ليا عط


كن المفجرّ في حشاه محطوطي


توه جديد من الوكاله مسقــّط


ماخذ على الجمسات ستين نوطي


ليا ناش بنصه سايقه قام ينعط


كن التواير تندخل بالجنوطي


يسوقه اللي عارف له مع الخط


عارف هواه ليا اعترض له خطوطي


منا مشى بالليل مشيه مضبط


يقطع جراهيد السهل والشطوطي


دربه يعرفه بالخرايط مخطط


ياصل لابو نصار في ظرف شوطي


قله تراني من هوى الزين مشتطط


تقول وسط القلب مضروب شوطي


غديت أنا مثل السجين المربط


في وسط سرداب بجيش محيوطي


حكمه شديد وبالحراسه محـوّط


من الهم حاله صاير ٍ كالخيوطي


حب الغضي في جاش قلبي مصفط


في دم قلبي ذايب ٍ ومخلوطي


وحالي مرضها من اريش العين خِلْـط ّ


مابين هوجاس وهم مخلوطي


حب الغضي في دم قلبي مسلقط


وليا ذكرت الزين قلبي يشوطي


وهذا ثمان شهور ماجاء لنا خــط


ولاني لحالي يالحبيب مغبوطي


خلّي على بعض العذارى مقلط


وأنشهد إنه كامل ٍ بالشروطي


ياعين شيهان ٍ ليا جاك منقط


لادلى على جول الحباري يموطي


وياعود ريحان ٍ على طارف الشط


بين الورود وبس ريحه يعوطي


ومحلا الهلـّيل بين الحجّان منحط


والخد لايق بالثلاث النقووطي


** المقصود بابو نصار : هو عواد الضويري البذالي ..

صح لسان الشاعر

قصيدة رائعة تدل على جزالة قائلها

شكرا لك يا أستاذ حامد

اهلا بك اخي حامد البذالي وشكر لك على القصيدة نتمنى تواصلك معنا

تقبل مروري

قصيدة رائعة والقافية صعبة ونادرة
(شكرا لك اخي حامد البذالي على الاختيار والنقل)

اشكركم الاخوة صلاح ، خلف ، النداوي على المرور والرد الطيب

الله يجمعنا معكم على الخير والمحبه

حامد البذالي

يعطيك العافيه على النقل وصح لسان الشاعر/غازي مداد البذالي

قصيده جميلة ...


الشاعر/فهدالنصافي