قصيدة الشاعر الكبير / فهيد الباطح الجميلي رحمه الله بالشيخ / نمر بن فارس الطواله

قصيدة الشاعر الكبير / فهيد الباطح الجميلي رحمه الله
بالشيخ / نمر بن فارس الطواله

لا عاد لا ناشد ولاني بمنشود .... ولا يندرا عن وقتي اللي حداني
جيت لنمر طير السعد ماكر الجود .... اللي شهر صيته بطيب المعاني
شيخٍ ولد شيخٍ كما العد مارود .... وتبيّن ابين من سهيل اليماني
ابوه قبله ما وطا كل منقود .... ريف الضعيف ليا حداه الزماني
لا ينحر اللي عشرته ما بها فود .... تراه بوّارٍ قليل الحساني
ليا حداك الوقت بالقل مضهود .... رح للنّعيس اهل الصخا والعواني
ادناك بدنا اللي ليا جيت ماجود .... يقول تبشر بالسعد يوم جاني
نمشي على سلمٍ لنا قبل مقدود .... عقب العلا ما ننحدر للطماني
الطيب جزمه والردى ماله حدود .... وهبه من المولى على المودماني
يقول هذا السّلم والحبل ممدود .... نمشي على العادات والعمر فاني
لا خاب ظني من نسايل هكالعود .... لنمر ولد فارس عنيت وعطاني
صميدحٍ ما حسّب النقص والزود .... عطيّته ما قال فيها مثاني
اطلب عسى ان الحي ماهو بمفقود .... واللي رحل لمقدسات الجناني

صح لسانه الشاعر الكبير فهيد الباطح


وعسى الله يرحمه ويغفرله