الشاعر : موسى معطاب ~ ( الزميل )

الشاعر : موسى معطاب المسيعيد الجميلي




ودي اذكر بالمواضيع مفهوم الزميل
اكثر العالم تعرف المُسمى بعجله

الزميل يكون صاحبك في وقت الرحيل
او عمل جامع بشر.. والزماله بعمله

قد يكون احد الزماله بهالدنيا خليل
او نشوفه بالمطافات واسمه نجهله

يا هني من شاع علمه وخلا له حصيل
طيٌب الله فاله وفال منهو يدهله

ودك الطيٌِب مع الناس يرٲس له فصيل
تاجد العالم تحييه.. وامره تقبله

ماتشوف من المشاكل ولو شيٍ قليل
الامور مسايره ..ماتجيك مسائله

ما يغثك غير من يَحسبك هشٍ ذليل
يجدع الكلمه وكن العيون مغفٌله

من هنا نختص من كان معدنهم هزيل
مانعم ونجلب الشر.. حسب المرجله

اردعه وانهيه واقطع مواصيل الهبيل
لين يفهم غلطته ويتحسف بزعله

ثم يرجع ويتعذر ويثبت بالدليل
انه المخطي.. وحقه علينا نسٲله

الكلام اللي نشٲ منك واضح يالعميل
تسمع المطلوب منا وبعده تكَمله

تعتدل بالتجربة عام باثبات الوكيل
عقبها والراي لِله.. ثمن باهله

خابرين الطيب والعز والمد الجزيل
نرتقي ونوقره حيل لو بالشمشله

الله يعطيك العافية على نقل القصيدة الف شكر لك...