بني غانم

بسم الله الرحمن الرحيم
مساء / صباح الخير لادارة واعضاء وزوار المنتدى
قصيدة تعبر عن المضمون ..
............................
ياسلام الله ســـلامٍ من الـــوزن الثقـــيـــل
................................عد وبل المـــزنة اللي تـــلوح بــروقها
//
من هجوس الشاعر اللي عشق نظم الجزيل
................................. والجزيله ماهوت غير ابد معشوقها
//
استوى نظم الشعر واشتعل راس الفتيل
.................................والقوافي ســقتها والمـــعاني فـوقها
//
الهواء شــرقي وخيل من الـمنشأ المخيل
.................................والرعد يرزم وجتنا علوم اصــدوقها
//
قمت اســوق من المــعاني ونظمت المثيل
............................... واتخير من جديد القـصيد اطـروقها
//
قامت بصــدري توارد مثل مسرات ليل
................................ وابن سكته بالتفاصيل قام يسوقها
//
من اعدود الشعر نظمت عذب السلسبيل
............................... عــادةٍ لي بالــمحافل بفك اســبوقها
//
قمت ادربها على ايعاز تدريب الفصيل
................................ تاخــذ الامر الموجه ويســـمع بوقها
//
ماخــذيت المــده اللي من ايدين البخيل
............................... ولا طلبت من الردي نخلته وعذوقها
//
مانــصدق كل هــرجه ترى بليا دليــل
.............................. والهــروج الزايفه سكروا صــندوقها
//
ماتركنا حـــقوقــنا عند رجــالٍ رزيــل
.............................. والرجال اللي لها حق تبغى حقوقها
//
وعن طريق الحق ابد لانميل ولا نعيل
.............................. واليدين الله خــلـــقها لدون حــلوقها
//
يابني غانم هل العز والفعل الجميل
..............................من قديم الوقت وانتم شريتوا سوقها
//
لابتي تلقى النعم بالرحيل وبالنزيل
.............................. لابــةٍ تقــلط على الطــيبه واتــذوقها
//
نهجنا نهج النبي نسلكه والله وكيل
............................... ماتغــيرنا صدوف الزمن واوفوقها
//
ولا يغــير نهــجنا لاكــثير ولا قــليل
.............................. لو دنيانا اضــحكت زينت منطوقها
//
تحت حكم العاهل اللي عسى عمره طويل
............................... خادم البيتين عــدوان الامه عوقها
//
مع سمو اميرنا راعي المد الجزيل
......................... بن مساعد شمسنا لا اغربت واشروقها
//
والختم مني تحيات لشيوخ وزميل
............................... عد ماترزم مزون الوسم وابروقها

( زيد البناقي )

شاعرنا القدير زيد البناقي صح لسانك وعلا شأنك

قصيدة من اجمل ما سمعت من القصائد الوافية بكلماتها ومعانيها


دمت دائماً للتميز رالابداع

صح لسانك أبا نواف

ونعم بعيال غانم

كفو ويستاهلون

صح لسانك

ويعطيك العافية

قبل ان اتكلم عن القصيدة واعلق عليها وامدح وامتدح
اولا ننظر من القائل زيد وهو في زود من الابداع
وفيمن قيلت في اولاد غانم الله يزيدهم عز على عزهم

بارك الله فيك وصح لسانك على هذه القصيدة الجزله .......

وماهي غريبه على شاعرنا المبدع ....زيد البناقي

ويستأهلون بني غانم .......ودمتم

صح لسانك

يعطيك العافية

ؤؤالنعـــــــــــــــم ،
صصح إلسآنك شآعرنأ المبدع ،
،
،