ضاعت العائلة ,, وهلك المجتمع ..!!

صباحكم ,, / مساكم ,,

رضاء وغفران من الرب ..

بصراحة الموضوع خطيرررر كثير ,, وأستمر مأثر فيني للآن ,, وكل مافكرت أكتب عنه في المنتدى أشعر بالعجز

وأسرح بتفكيري لكل التفاصيل التي أرغب في طرحها لكم ومناقشتها معكم ,, أيها الأعزاء ..!!

الموضوع بإختصار....

ضعنا كبيت واحد وعائلة واحدة ,,,,,, وضاع مجتمعنا ,,,,,,والله أني أشعر بالغربه وأنا في داخل بيتي وبين ابناء مجتمعي وبنات الجماعة والقبيلة الواحدة ...........>> والسبب ................>> الآيفون ..
البلاك بيري ..
آيباد ..
أيبود ..
وغيرها ولكن هذه الأجهزة هي
الأكثر إنتشاراً ورغبة عند الصغير
قبل الكبير ...........!!

طبعاً أعلم انه عند قراءتكم لهذه السطور ,,,,,( قلتو بأنفسكم ,,قدددديمه وموضوع مكرر ) ..........!!

لالا لا لا

الوضع قديماً تبدل ......بالأمس كان مجرد تنظير ,, ومجرد طرح للمخاوف والأبعاد النفسيه لأجهزة دخيلة على أغلب المجتمعات مو بس مجتمعنا ....

اليوم ../ ماكنا نخشاه ونتكهن به قد وقع ,, بل ..حدث أبعد وأشنع ماكنا نتوقع ..!!

في السابق ( واقصد في السابق ..؟ أي في بداية ظهور هذه الأجهزة ) كان تحفظنا على إمتلاك المراهقين وفئة الشباب من الجنسين لهذه المقتنيات ...

كنا نفكر ونستهجن إنشغال الشباب بهذه الأجهزة أثناء القيادة ...!!
كنا نخشى على المراهقين من الأنجراف وراء الدردشه والتعارف ويحدث مالايحمد عقباه ....لاحظووو ( المراهقين والشباب ) .......!!

الآآآآآآآآآآآآآآآآآآآآآآن مصيبة عظيمة ,, وهلك إجتماعي قادم وبقووووة وبضعف من جميع اطياف المجتمع تجاه مايهلك
بيوتنا ... تخيل ان يصل الحال بالرجل بأن يرى بيته ينهار ويتفكك وأولاده من الجنسين بنات وشباب يضيعون منه وبيديه ..وهو يكاد لايعلق حتى مجرد التعليق ..........!!

القصة بإختصار وبدون تحليل هي لحالها شارحها نفسها ..كالآتي .../

كنت جالسه أقرأ مره كتاب في الصاله وزوجي يقلب في القنوات يبحث عن الرياضيه ( حددددده برررريء في هالزمن ) ........!!

جتني بنت أخوه ( اي اخو زوجي ) ..بنت لم تتجاوز العاشره وفي الصفوف الأوليه من المرحله الأبتدائية ..

وقالت لي ناقده علي من كل قلبها // عمه وش تقرين ...؟؟
قلت// لها الكتاب الفلاني ...
قالت // يااااه ياعمه ياقدمك .........( رفعت راسي لها وانا موبس مستغربه إلا في قمة الذهول )
قلت لها // ليش ..؟؟
قالت // وووع منو بهالزمن يقرأ كتاب ..؟! الناس تطورت ايباد ,, وايبود ..وبلاك بيري ..وانتي للحين تقرين كتاب
.....!!

طبعاً دهشتي من طلاقة لسانها وإنطلاقة أفكار بنت بهالعمر .....ومع ذلك حاولت اني أجاريها بصراحه شدني الفضول اني اعرف وش تعرف بنت بهالعمر عن أجهزة كهذه ..!!

رديت عليها وانا احاول اسوي نفسي للحين منشغله بالكتاب والقراءة ...
قلت // والله هالأجهزة احسها لعب وبرامج وانا بصراحه مااحب العب ولااحب البرامج كذا من الله ..ولاعمري تعبثت بالبرامج اللي مخزنه او محمله على جهازي ولاحاولت اكتشفها حتى مجرد الأكتشاف ...

قالت // مو شرط تلعبين ..!!
قلت // اجل شسوي فيها ..؟
قالت // يمه ياعمه في قصص وحركات عجيبه كله بهالاجهزة يضيع وقتك وماتحسين بشي ..حتى النومه ماتجيك ..
شفتي عمي هذا اللي انتي بس تحاتينه وتنتظرينه وين راح وليش تأخر ..؟ والله انه لو يعقد سنه عن البيت ماتدرين عنه واذا جاء تبينه بس يروح .....( تقول هالكلام وهي تناظر عمها وتضحك ) ...!!

وللحين عمتكم خجل مافهمت للحين على بالي البنت تقصد العاب وخرابيط الورعنه ...
إلا وتفجر البنت المفاجاءه لما سألتها .....مثل شنو القصص والحركات ,,؟

قالت // صديقتي بالمدرسه ( طبعا هي في رابع إبتدائي ) ..جابت مره معها للمدرسه البلاك بيري حقها .. وبالفسحه تطلعه وتقرأ لنا الروابط اللي تجيها .............( أقسم بالله اني حسيت بماء بارد انسكب على جسمي )
بنت في رابع ابتدائي ومعها بلاك بيري وتفتح روابط بعد وتقراها على زميلاتها منهم من هم اصغر منها علناً .....!!

قلت // موعيب عليها تجيب جهاز امها او ابوها للمدرسه وتسرقه بدون علمهم ..؟
قالت // شفيج انتي اقولج جهاااااازهاااااااا ...!!
طبعا هي تسولف السالفه بشكل جدا عادي يعني مومستغربه مثلي ولا مستنقده بالعكس عندها شي طبيعي ومعتاد عليه ....
نزلت كتابي من ايدي بعد مااشرت لزوجي يخليني اجاريها بالكلام لين نشوف الزبدة ...( لأن النار والشرار بعيونه )

قلت لها // اي وشنو قرت لكم ..؟ وشنو الرابط اللي فتحته ..؟
قالت // قالت لنا تعالو بقرأ لكم بالفسحه قصة واحد واعد خويته اذا جت للمدرسه تطلع من الباب الخلفي وتروح معاه بالسياره للبقاله بس ويرجعها ....
والولد صار يفر فيها بالشوارع وراحو للمنتزهات وللدبابات العبوا فيهم ,, وبعدها راحو للمطعم وافطرو ..ونسوا الوقت كان ناوي يرجعها قبل تنتهي الفسحه بس لما طالعو بالساعه الا خلاص الحصه الرابعه بتنتهي ..يعني استانسو ...( للآن البنت ام رابع ابتدائي تتكلم وانا منصدمه وبنفس الوقت اقول للشياطين اللي براسي لا اكيد البنت اخر شي بتنهي القصه بمقلب او بنكته او بأي شي مضحك ) ...

قالت واخر شي قالها خلاص مايصير اوديك للمدرسه الحين يشوفنا ويعلمون اهلك احسن شي اوديك معاي للفندق نجلس فيه لين تنتهي المدرسه وبعدها اوديك عند اول حارتكم تنزلين تروحين للبيت كأنك جايه مع الباص من المدرسه ...وشنطتك خلي خويتك فلانه تجيبها معها بالباص وتاخذينها منها اذا نزلها الباص عند بيتهم ..
قاطعتها انا // قلت شلون تقول لخويتها الحين تجيب الشنطه خلاص ماتقدر تشوفها الا باليوم الثاني ...؟؟
قالت / لااااااااااااا عمه ..خويتها هذي معها جوال مخبيته بالشنطه ومخليته صامت ...عاد هالبنت ترسل لخويتها رساله تعلمها بالخطه .................!!

وكملت ..وياويلي ليتها ماكملت ..لسببين ../ انحرجت حيل قدام زوجي من اللي قالته بنت بهالعمر ..والسبب الثاني مصدومه من طريقة تفكيرهم لوين وصلو ..؟!!!!!!

المهم قالت / دخلو الفندق .................................................. .................................................. ..................!!!!

ووصفت الموقف بكل جرأه وبطلاقه وبدون ماتعبرني او تعبر عمها ولا استحت منا على الأقل .......
ووووووربي لين انا صررررخت بوجهها خليتها تسكت ...!!
وعمها يطالع فيني عظام ارجوله موشايلته يقوم يلعن خيرها على هالكلام ..........!!
حاول يقوم يطقها ..ويشتمها ويشتم خوياتها على هالقصص الحيوانيه .......!!

لكن جيت بينه وبينها وفكيتها منه وهو يصارخ ماتسمعينها وش تقول هالحيوانه ..؟
قلت له اصبر لو طقيتها لو شتمتها وش الفايده ؟ وش الحل اللي انت سويته بنظرك ؟ البنت تتكلم مو لأنها بس جريئة ..البنت تتكلم من جهة قناعه ان اللي تقولله واللي يصير حوله شي عادي جداً ......لازم نناقشها ونفهمها ليش مايجوز وليش خطأ ....
جلس على الزاويه بيشوف اخرتها معها وهو والله احس انفاسه تتقطع وبينجلط وقال يلا كلميها اشوف خلينا نشوف وين نوصل معها ..؟

بالنقاش مع البنت وفهمتها انه عيب ومايصير وغلط ...من ناحيتين غلط اللي يصير لبنات بعمركم ..
والغلط الأكبر والأشنع انك سردتي الموضوع على مسامع عمك مااستحيتي منه وعلى مسامعي انا وانا اكبر منك ...
قالت / عمه ليش شفيها هذي قصه مو وحده فينا اللي سوتها ...وبعدين خويتي ابوها اللي جايب لها بلاك بيري
وهي دايم تطقطق فيه قدامه وتقرأ ومايقولها شي ...بالعكس احسن من انها تروح مع امها وين ماراحت..تجلس بالبيت تستانس عليه ..!!
قلت / اي حبيبتي انتي وخوياتك بنات عاقلات وفاهمت تدرون ان هذا غلط وموحقيقي ومايسوون هالحركات بنات ناس ولهم سمعه يخافون على سمعة اهلهم ...بس الخوف على البنات اللي موعاقلات واللي بنص تفكير يروحون يسوون نفس القصه وينفضحون اهلهم ...( محاوله مني لتعزيز ثقتها بنفسها ,, وبناء افكار صحيه وإضاءه بسيطه تسعفني اطلع معها من هالمأزق بنصيحه غير مباشره وتوجيه غير مباشر ..) ...

لكنها .. صفعتني بالخبر .
قالت لا مو خيال ولا قصص هذي والله صج عمه .. فيه بنات من مدرستنا وربي عمه بالحصه الآخيره كانت فاضيه والمعلمه موعندهم قالوا لبعض بعده هالحصه فيه طلعه يعني ماراح احد يكشفنا واتفقوا انهم يروحون وراء المدرسه
وياخذون جراكل صبغ فاضيه كانت طايحه بالساحه وجمعوهم فوق بعض واصعدو وحذفو شناطهم بالشارع واطمروا بس صادهم حارس المدرسه لانه كان يتمشى بالشارع ويدخن وشافهم ..وعلم المديره عليهم ..!!

قلت // شفتي انفضحوا وانكشفوا عند المديره والاستاذات شنو نظرة إستاذاتهم لهم ..؟ وشنو موقف اهلهم موحرام امهم تنصدم فيهم تتعب وتربي واخرتها المديره تفشلها تقولها بنتك كأنها ولد انحاشت من المدرسه ...؟

قالت بدون اي تأثير واضح على ملامحها ,,// والله عادي عمه اصلا المديره ماسوت لهم شي بس هاوشتهم وطقتهم قدام الطابور بالعصى واهلهم اكتبو تعهد بس ..
قلت بس خلاص صارت سمعتهم وسخه قدام بنات المدرسه ماحد راح يتمشى معهم حتى اهالي الطالبات بيوصون بناتهم يبعدون عنهم مايرحون معهم علشان مايخربون افكارهم ..........ضحكت البنت قالت بالعكس صارو وش كثر صديقاتهم وقالوا انتم ابطال ونفس بنات الثانويه ( يقصدون مسلسل خليجي كويتي ظهر بكل اسف في رمضان ) ..
.................................................. ...............

يا إإإإإإلهي ... والله افحمتني وتعبت نفسيتي من مجاراتها والحديث معها في امر صار متشعب كل ماطلعنا من موضوع دخلنا بأكبر منه ...........انهيت الموضوع معها وانا بداخلي مليووون حسره وخوف ورجفه ..

ياااربي ..

وين الأهل ..؟ ليش الأب والأم صاروا سلبيين لأبعد حد ..؟؟
كيف الأب او الأم تشتري مثل هالأجهزة من حر مالها لأطفالها وتخليهم عليها ليل ونهار بلا حسيب او رقيب ..؟؟
ليش هالأب وهالأم ماشافو الروابط اللي تجي على البلاك ؟ ماافتحوها ؟ شلون رضوا يخلون هالاجهزة بإيدين صغارهم يفتحون ويشوفون ويقرون مثل هالدمااااااااار وبترحيب كامل منهم ..؟؟

أجل ليش اذا اجتمعو الاباء مع بعض او الامهات مع بعض قاموا يتشاكون من هالزمن ومصايبه ..؟
مومن فعايل الكبار قبل الصغار.؟؟
منو ذنبه هاللي قاعد يصير .؟ ذنب طفل يلعب ويحب يستكشف وجاءت له المفاجاءات على طبق من ذهب ..؟ او ذنب اب وام سهلو وصول مثل هالاجهزة لإيدين اطفالهم بدون اي استنقاد ولا تحفظ حتى بدأو الأطفال يشعرون ان هالأشياء عادي جدا رؤيتها والحديث فيها امام الملأ ...
يعني هالأشياء كانو الكبار يعلمون بها وقد يفعلونها بأمر من الشيطان ولكن كانو على إستحياء وبتخفي اشد من الشديد ...ومازالنا نحن الكبار نخوض مع بعضنا البعض في اكثر امور الحياة تعقيداً ولكن بحياء وبصوت يكاد الطرف الاخر لايسمعنا حتى لاينتبه الأخرون .........

اما الأن ومع صغارنا الوضع اختلف وتبدل ...اصبح هناك جرأه بالفعل والقول ... اصبح كل شيء عندهم على المكشوف وامام الملأ بلا خوف ولا خجل ولا اعتبار لأحد ...

تباً لرجل بدووووون غيره ضيع شرفه وشرف اخلاق ابناءه بجلب مثل هذه المقتنيات لهم ..
تباً لأم بارده وعديمة الأحساس والمسؤولية تخلت عن كل ابجديات الأخلاق والتربيه مقابل ان تكسب راحتها تلهو وتمرح من بيت لبيت وتطق حنك مع الكل والمهم عندها انه ماحد من اولادها يتبعها لاكبير ولاصغير حتى لايفسد جلستها ويزعجها .........!!

تباً لوزارة التربية والتعليم التي قيدت من تصرفات المعلم والمعلمه وهمشت ادوارهم لدرجة لايحق لهم ايقاع العقاب على فاعل وفاعلة العيب والشغب في اسوار المدرسه ...
حتى اصبح المعلمين والمعلمات لاهيبة لهم ولادور ولاسلطه ....!!
فأصبح الأبن والبنت السعودية تحديداً بضياع مستمر من كافة الحلقات المحيطه بحياته فإذا هم فقدو المربي والموجهه في المنزل كذلك فقدو المربي والموجهه في المدرسه فأترك لهم الحابل على الغارب ..!!

يا مجتمعي الفاضل من رجال ونساء ,,, من اباء وامهات .. لاتشتكون الزمن ومصائبه .. فأنتم وحدكم من صنع لنا حاضر مخيف ومستقبل مبهم وان كنت ارىء لكم ملامح ذاك المستقبل اللذي ننتظره وينتظرنا ...
وهو سيكون عندنا اصدقاء من جنس الشباب للبنت .. تخرج معهم وتلهو معهم ..
سيكون هناك للفتاة في مجتمعنا المااااي فرررند .. وبدون تعليق من الاهل ..
سيكون هناك للشاب في بيتنا وخلف باب غرفته ستالايت برأس اوروووبي يعرض الافلام الإباحيه ونحن لايسعنا الا ان نؤمن لهم مايطلبون مهما كانت فداحته ..!!
وقد يكون ايضاً للفتاة ان تنام ببيت صديقتها بحجة المذاكره او تضييع الوقت او حتى الأخت الصغيره طفشانه وتبي تفضفض لصديقتها ..!!

مااقول الا رحم الله زمن مضى كانت الأفلام المصريه على القناة السعودية محظور علينا رؤيتها ونحن صغار رغم انها تأتي مشفره نصف الحلقه ...
رحم الله زمن كانت به امهاتنا الأميات اللواتي لم يدرسن ولم يتخرجن من اكبر الجامعات ولم يقرأن كتب فلسفه ولم يتعلمون ابجديات الحوار وعلم النفس بمايخص حياتههم ولا نفسيات اطفالهم وكانو يتصرفون معنا على الفطره السليمه ..........
ومع ذلك كنا بأخلاق ,, كنا بتفوق دائم ,, كنا نحترم ونخاف ونستحي ,, كنا نقدر .. ونوزن الأمور بعيون كبيره وعقلية متزنه وفاهمه ,, ونعرف شي اسمه عيب ..!!

رحم الله قصص جداتنا ابرك وانفع وامتع وأبراء من قصص البلاك بيري وغيره ..

لكل رجل ينتمي لأسرة هذا المنتدى ,,,,,,,
ولكل ام اصبح قلمها جزء من بناء افكار امه تدخل وتقرأ من المنتدى ,,,,,,,
وقبل ان تبدو تعليقاتكم على الموضوع ,, قبل الفلسفه ,, وقبل التنظير ,, والفشخر بالمفردات ,,
أنظر / ي ,,,, هل بيد أحد ابناءك اياً من هذه المقتنيات والاجهزة ..؟
إذن وفر كلامك ونصحك وحتى تعليقك إلى ان تحسن إدارة منزلك وحياتك ثم عطنا رايك وتفلسف علينا ....!!





تقبلوا تحياتي





الكاتم





.......................

الله يعطيك العافية أبا نايف

والله الموضوع كأنه رسالة دكتوراه

عجزت أقرأه من طوله

الله يعطيك العافية

بارك الله فيك

يالكاتم

الكاتم ... يعطيك العافية

ولكن اين إدارة المدرسة والمعلمات والمراقبات من هذه الفوضى ..؟

نسأل الله العافية والسلامة

يعطيك العافيه ابو نايف ..

بارك الله فيك....................يا ابو نايف...............على الموضوع ............... المفيد..........

يعطيك العافية