الــــــــــغـــــــــــــــــــأز بدون حل الرجا الحل

(((( ألغــاز ))))

وش صغير" كل خلانه صغار...... هو صغير ولايحب إلا الصغير !
ماترده لو قهرته بالحجار...... لاكن إنه باصبع إيدك يستدير !
إن رفعته زال شره وأستخار...... وإن تركته زاد شره بالغرير !
يجهله راع الشهادات الكبار ......ويعرفه الجاهل اللي به خبير!

ياويش غايب حاكمينه بالاعدام ......ذكاه حطم دولة مستقله
لازال تلقاه العرب بعض الايام ......مات الحكم والمتهم في محله
لامسلم عاقل ولا عابد اصنام ......ياهون حل اللغز ياصعب حله.

لغز للأذكياء فقط :
كلمه من 3 حروف أذا شطبت الحرف الأول معناه الموت ..وأذا شطبت الحرف الثاني معناه الحنان.. وأذا عكست الكلمه معناه الظلام ؟

طفله صغيره عمرها سبعة اعوام......تاقف بعز القيض ترعاغنمها
ماباقي ٍ فيهاسوا جلد وعظام ...... والطول طول اللي وسط من غنمها
تمشي بحروشوك والناس نيام ......ومن كثرضرب الشوك تنزف قدمها


انشدك عن بنتن لها قوم وصحاب...... وتحط ما بين القرايب عصابه
احدن يحولها علا دخلت الباب ......وحدن يحاول ماتجي حول بابه

وش ثلاث ليا جمعناهن ضعاف......وأن دخل واحد عليهن ينشطن
ياسلام ليا أستون بعد النشاف...... يذبل أبن آدم وهن مايذبلن

ياكل الحجر..وينام في النهار..ويصحى طول الليل..ويتوضا مرتين..وتشوفه مرة بحياتك أو مرتين.. الحل بين السطور ..
للأذكياء جدآ جدآ


أنشدك عن بيتن قديمن ولا زال ...... محدن لمس جدران بيته بياديه
لا هو بني مهندس ولا بني عمال......ولحدن قبل يصل الثمانين ياتيه

أنشدك عن ورعن له سنون وضروس...... وأبوه مايطاوع من الناس غيره
الورع عايش بين ريس ومريوس ...... أبوه أمين ولايخالف ضميره
أحذف من اسمه حرف وإقراه معكوس ...... يطلع لك أسم مشتهر بالجزيرة؟

أنشدك عن اغلام من دون تفصيل ...... يلقح لقاح ماتمسه جنابه
حرام لاكن حل عقب الغرابيل ...... معروف في عصر النبي والصحابه ..

بنشدك عن رجال بزول زولين ...... وتساعد الرجال بنتن تظمه
يرد على عذرا تخوف سلاطين...... وإليا ازهمت عليه محدن يهمه

ابنشدك عن ضيف يضيف المعازيب...... ‏يذبح عشاه ولا يذوق الوليمه
يشرب ولا يأكل يسمع ولا يجيب...... وش حلها يأهل العقول الفهيمه

أنشدك عن ضبن بلا عكرة...... مخلوق من بطن عير ومن ظهر ناقة
تشوفه اليوم وتصيده بعد بكرة......تشوفه مع الباب ويشرلك مع الطاقة

أنشدك عن شي بالأبيات مذكور......عصر التطور هد حيله وعافه
يعيش في وسط الصحاري و البحور...... يكره وجودك وأنت تكره فراقه

ماهوالشئ الذي يربيه ابوك وتذبحه امك ويدفنه اخوك وتبكي عليه اختك؟

أبا أنشد اللي رايهم يقطع الشك ...... وليا عطوك الراي يزول شكه..
يا ويش رجل"حامل بالوطن صك...... من خلقته ماشيف ولاشيف صكه..
عنده سجين" طال سجنه ولا فك...... لو تجتمع كل البشر ماتفكه..؟

انشدك عن حر وعبدلهم صيت......طاحو لهم في بيرصعب مجمه
الحرضاع ولالقي حي او ميت ......والعبد لقيت جثته تحت دمه

انشدك عن تسع وثلاثين شيطان...... تقابلو في راس ريع الندامه
لاهم بني آدم ولاهم من الجان ...... رجال عرف وشيخهم به غشامه؟
سخرهم الله له وله بينهم شان ...... شيخ على عرشه وصاحب زعامه.

انشدك عن ضيف بدار المعازيب...... الضيف يكرهم وهم يكرهونه
دف ولياقلط يقلط ومن دون ترحيب...... ضيف من الزلات مايامنونه
يحتاجله في بعض الاوقات تاديب...... وليابغا المرواح مايتركونه.

أسألك عن رجل صغير مقاسة...... يصير في بطنه ملايين الأنفار
له دور بارز في مجال السياسة...... وله في قضايا المجتمع كل الأدوار
لو ترسله لأكبر جبل شال راسه...... ومع الأسف لو تنفخه بالنسم طار

أنشدك يومنك على النشدة فهيم ...... عن حرمتن تركب على رجالها
رجالها يلقح وهي دايم عقيم ...... بنتن خفيفه ماتشيل عيالها
أن ربعة وقت الشتاء يم القصيم .. وأن قيلة حد الشفاء مقيالها ..

ارسل الحل.

أيش بنت بحضن أبوها ماتمله ...... وان فقدها صار مجهول الهويه
تبتدي بالنهار وتنتهي الليل كله ...... وتبتدي عيد رمضان وتنتهي عيدالضحيه

انشدك عن بنت تجي فوق اخوها ...... البنت تولد ساعة الأخو مولود
البنت ياخذها رجال بغوها...... تاخذ شوي وتختفي وأنت موجود

أنشدك عن شيئ مسوى على قوس...... يغلونه الحكام ويقدرونه
يغيب بامريكا وينشاف بالروس...... وشيوخنا بالمملكة يكرهونه

أنشدك عن رجل بطن أمه يبات...... يطلع ليا ماتت غريبة ما يموت
له موقع معروف بصدور البنات...... أسرارهن عنده وهو رجل صموت

أبنشدك عن عبد ركب فوق حره ......وفراشهم من والي العرش مفروش
تنسف جدايلها وهي ما تضره...... العبد والحرة من السوق بقروش

انشدك عن رجل يدل الرجاجيل...... دربه دهرماينبت اللي وطابه
أصقه عمى ما يسمع القال والقيل......وإليا حضر فك الطلب والنشابة

انشدك عن ورعن يغذاء الياجاع...... زاده من اخته وامه اللي تجيبه
اليا امتلي بطنه معاالاخت فزاع...... واللي يصيب اخته لزوم ٍ يصيبه
البنت فوق وموقع الورع بالقاع......؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ويش النحيف المعترض عرض...... مربوط في رجله وياقوبأسه*
وليارقد يرقدبعيدعن الأرض...... يرفع أبوه وينسدح تحت رأسه

اشكرك اخي على هذا الطرح للمشاركة ...

بعد قراءة الموضوع كاملا ...اود المشاركة
بحل الذي استطيعة ..

واتمنى ان اوفق بحلها ....

[glow1=FF0000]وش صغير" كل خلانه صغار هو صغير ولايحب إلا الصغير ![/glow1]

اعتقد انة ((العظم اللي بالحلق عند الطفل ))

[glow1=FF0000]ياويش غايب حاكمينه بالاعدام
ذكاه حطم دولة مستقله [/glow1]

((هدهد سليمان عليه السلام ))

[glow1=FF0000]طفله صغيره عمرها سبعة اعوام[/glow1]

اعتقد ((هايدي ))

[glow1=FF0000]انشدك عن بنتن لها قوم وصحاب
وتحط ما بين القرايب عصابه احدن يحولها علا دخلت الباب وحدن يحاول ماتجي حول بابه[/glow1]

ممكن انها ((الكره ))

[glow1=FF0000]أنشدك عن بيتن قديمن ولا زال
محدن لمس جدران بيته بياديه[/glow1]

للتوضيح فقط ...انشدك عن قصر (ن) وليس بيت

الجواب ((قصر الصلاة )) والله اعلم

[glow1=FF0000]أنشدك عن ورعن له سنون وضروس[/glow1]
اعتقد انه (( القفل "(المفتاح ) ))

[glow=FF0000]أنشدك عن اغلام من دون تفصيل ..[/glow]
اعتقد انه النخل


[glow1=FF0000]ابنشدك عن ضيف يضيف المعازيب[/glow1]

اعتقد انها ( التميمة للطفل ))

أنش[glow1=FF0000]دك عن شي بالأبيات مذكور
عصر التطور هد حيله وعافه[/glow1]
اعتقد جوابة عند متعبين البواريد
اعتقد انه ( الصيد )

[glow1=FF0000]أبا أنشد اللي رايهم يقطع الشك..
وليا عطوك الراي يزول شكه..[/glow1]

اعتقد انه ((الدرع العربي ))

[glow1=FF0000]انشدك عن حر وعبدلهم صيت:"
طاحو لهم في بيرصعب مجمه~^ [/glow1]

اعتقد (( السكر والشاي ))

[glow1=FF0000]أسألك عن رجل صغير المقاسي
يصير في بطنه ملايين الأنفار[/glow1]

كأنة ( التوقيع ..او.. الامر )

[glow1=FF0000]أيش بنت بحضن أبوها ماتمله وان فقدها صار مجهول الهويه
تبتدي بالنهار وتنتهي الليل كله وتبتدي عيد رمضان [/glow1]

الظاهر انها نقطة (ن )

[glow1=FF0000]انشدك عن رجل يدل الرجاجيل
دربه دهرماينبت اللي وطابه[/glow1]

اظنة (وسم الحلال )

[glow1=FF0000]ويش النحيف المعترض
عرض*مربوط في رجله[/glow1]

اظنة (( يد الجيك ))

هذا ما استطعت والله اعلم
@@@@@@@@@@اخوكـــم / الاســـد

الله الله الله ....................................زززز عليك اخي سلطان .
وفيت وكفيت الله يعطيك العافيه .
فعلا ما قصرت تسلم يدينك .
الله يعطيك العافيه .
.....
؟؟؟؟؟؟؟؟
؟؟؟؟؟؟؟؟؟
طبعنا انا مار اح احلها راح اسال فيها .
ولنا عوده ....
مشكورررررررررررررررررررررررررررررررررر

الله عليك يا لأسد ما خليت شئ والله ذكي .....
الله عليك وما شاء الله عليك .

يعطيك العافية اخي سلطان


والشكر موصول للاسد

ألف شكر يامبدع


سلطان تحيتي لك


والاسد وفيت وكفيت ....



بصراحة استمتعنا بالألغاز

واسمح لي على التعديل .. والتنسيق لأنها اعجبتني

مشكور الاديب على التعديل مقصرت والله هذا من طيبك وطيب اصلك