+( غيبتك صدمه )+

الله يعطيكم العافيه





السموحه عقب الغياب

[poem=font=",5,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]

لاتهملنيّ / ترى مالك صلاح=وأنت وغيابك مع الحظ الشحيح
لاسلا خاطر ولا قلب استراح=: وماعلى الدنيا ضميرن مستريح :
مايطير الطير لوماله جناح=ومايعيش الكذب في جو الصحيح
المصيبه .. ماكسبت إلا النجاح=وماطرحت الهم في جوف الطريح
الزمن نكبات وانا لي سلاح=أذكر الله قبل لا وقفّ واطيح
لو سترك الليل يفضحك الصباح=مايفوز الضحك في وجه القبيح
أخفي جروحي وقلبي له صياح=وأتظاهر بالسعد وانا جريح
صرت مثل البير والماي القراح=وأملك إلسانٍ مع الشدّه فصيح
في غيابك ماحكا حكيّ الشحاح=ليش ؟ تستغرب من الكفو المديح
الغلا بلوى وطعنات الرماح=زبدة العاشق إلى جاته تسيح
لوبغيت الصدق ياسيد الملاح=ماخضع لقانون كيفك يالمليح
أنتهينا واطلب الله السماح=غيبتك صدمه وانا طبعي صريح
عاد وأسمع وانت ماعندك صلاح=مايدوم الجرح في قلب الجريح



[/poem]



ولا خـلا ولا عـدم



اخوكم / بن سنيد



#poem_4d4783115ddc0 td {font-family: times new roman;font-size: large;font-weight: bold;}

صح لسانك قصيدة جزلة

شهادة حق أشهد إنك شاعر

لله درك إن كان هذا نظمك

وفقك الله لكل خير

بغينا قصيدة لأشرف الخلق صلى الله عليه وسلم

الله لايهينك إذا أمكن!!

صح لسانك وسلمت يمينك

بارك الله فيك

صـح لسـآنك .. قصـيده جـزلـه

اقتباس مايطيـر الطيـر لومالـه جـنـاح ومايعيش الكذب في جو الصحيـح

صح فكرك وسلم نبضك

قصيدة في منتهي الجمال تحتوي على الكثير من الحكم والحقائق

وفقك الله

صح لسانك

قصيدة في منتهى الروعة

صح لسانك قصيده جزله من شاعر جزل