ضياع السنين

بسم الله الرحمن الرحيم

تلبيه لرغبة الاخ الشاعر / مخلد الغنيم اعانقكم بهذه المتواضعه


[poem=font=",5,blue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""] ياحادي العيس فاق الحمل صبر الشداد= والدرب ماهو مثل ماقلت لي خطوتين
اركض ورى الحلم واجساد الحقيقه رماد= والشوق يسقي مراسيله وينبت حنين
احرقني القيظ ماهبت هبوب البراد= ولابالسماء غيم ممطر يفرح الممحلين
الحزن يبني من الضيقه بقلبي بلاد= والبعد غربة وطن وهمومي مواطنين
انا تجملت وازدادت ظروفي عناد= ان راح عمري اجيب سنين عمري منين؟
ماكل كبوة ليامن طحت كبوة جواد= ياكثر طيحات قصت عظم ظهر ٍ سنين
مابيك ياورد يامضيع سنين الحصاد= لو كان محصولك الريحان والياسمين
طيرت من حلم عمري كثر سرب الجراد= وتركت اغلا الاماني محبس الدفترين
لعسعس الليل واغتال العيون الرقاد= يضيق صدري وافارق عن فراشي حزين
مليت اسولف سواليف الشقاء للوساد= واعض راس اصبعي على ضياع السنين
لو كان للجرح بلسم يحتويه الضماد= ماباح سد ٍحفظته وسط حصن ٍ حصين

[/poem]
وتقبلوا فائق التحيه

صح لسانك يا شاعرنا الفذ

قصيدة تعانق نجوم السماء بجمالها وقوة نظمها وترتيبها

هل من مزيد يا شاعرن الفذ حمد ؟

ماكل كبوة ليامن طحت كبوة جواد

ياكثر طيحات قصت عظم ظهر ٍ سنين

صح لسانك شاعرنا القدير حمد الحريجي الساعة المباركة بهذه المشاركة المباركة

اتحفتنا بهذه الابيات الجزله .... نآمل منك التواصل

صـح لـسـآنـك

تسلم يمينك وصح لسان الشاعر

واصل ابداعاتك ولاتحرمنا من جديدك

مودتي

صح لسااانك


قصيدة جميلة لشاعر متمكن. اشكرك من الاعماق

صح لسانك ياشاعرنا

الى الاماااام


لاهنت...

صح لسانك على القصيدة الجزله

وننتظر الجديد من قصائدك ولاتحرمنا منها أخوي حمد