قصيدة الشاعر الكبير / فهيد الباطح بصاحب السمو الأمير / عبد الله بن مساعد رحمهم الله

قصيدة الشاعر الكبير / فهيد الباطح الجميلي رحمه الله
بصاحب السمو الأمير / عبد الله بن مساعد بن جلوي آل سعود
امير منطقة الحدود الشمالية رحمه الله



صباح الخير يا صقر الشمال ..... يا معـــشي للطيـــور الجايعــــات
هـلابـك يـا ذرانا والظـــلال ... عـدد ما ابـذر علـى القـاع النبـات
نفــز بشوفتـك قـدر وجـلال ..... ونقـوم لها مثـل فـرض الصـلات
لك التاريخ يا ماض الفعـال .. يشهـــد بـالفعــول الغـانمـات
تحب الحق والدرب العـدال ..... ولا ترضـى بالخطــا والمايــــلات
وتخضع لك صناديد الرجال ..... وتكفّابــك بكـــل الواحــــــدات
محال فلا يجي مثلك محال ..... حيــات اللـه ورب الكاينــــــات
اردّ العلـم لولاد الحــلال ..... على ما قلت بـك صدق وثبـات
عسى من عقبّك للخير نــال ..... عــن السيّـــات يجزى بحسنـات
وجـزاه الله بزينــات العمال ..... ونهور الجنه اللي جاريات
ابو عبد اللـه اللـي ما يحـال ..... حــــلّال العــقــــد المبهــمـات
قــوي الباس شيّال الثقــال ..... على غيــره فعــوله كايــــدات
اليــا قمتوا تهـزون الجبال ..... لكـم بالعــز فعـــول مقـدّمــــات
من فوق الهجن سايجت الحبال ..... يفــوجـن الفجــوج مــدرّبـــات
لمْن حصّل مرامه بالكمال ..... وبسّطها ليـــا شـــط الفـــرات
وطى الطاغين وطيٍ بالنعال ..... وهداهـم بالسيـوف المرهفــات
ودعاهم للعهد والشر زال ..... ومشوا بالصلح واللــي فات فات
إن قلت فعولكم والشرح طال ..... ما يحصيهـا قـلم حبـر الـــدّوات
وهذا الموجز على وقت المجال ..... عسـى عمـــرك طويلٍ بالحيــات
علمْكم فوقنا مثل الهلال ....... ومنازلنا بظلّه مظلمات
إنتلجّأ بذراكم بكل حال ..... وعلى الجار النبي وصّى وصات
ليا جيتك وقف حل السؤال ..... يصير الحل عندك والســـوات
واختمها باسم منشي الخيال ..... لــه المـرجع ولا دونه غنـــات