نحمد الله ملكنا عاد لبلاده
وانورت دارنا بقدوم غاليها
مرحبا مرحبا مليون وزياده
في زعيم جميع الناس مرضيها
والتحية من الوجدان معتاده
لابو متعب نقدمها ونهديها
تو شعب الجزيره زانت اعياده
بعد ماعاد حاكمها وواليها
الحكومه وكل الشعب والقاده
في سلامته لله ترفع ايديها
يحفظه ربنا عن عين حساده
والصواديف عنه الله يعديها
يشهد الله على ماقول وعباده
انت راس الزعامه وانت راعيها
وانت رمز الوفاء والجود وعماده
وانت نبراسها وإن حل طاريها
قايدن بالشريعة حكم ابلاده
بالسياسة وبالحكمة ممشيها
نسل من سطر التاريخ لامجاده
وحد المملكة وارسى مبانيها
ابو تركي عسى الفردوس ميراده
عل تسقي ثرى قبره سواقيها
ناصر المنيجل الجميلي
آخر 10 مشاركات
الإهداءات
منذ /19-02-2011
العرض الشجري