انتهض يا طير حوران

هذه القصيدة مستخلصة من تجارب الحياة البسيطة ، وتبين اصناف بعض الناس ، وهي ليست خاصة بأحد بعينه ، وسأدعك تقرأها لتعرف ما تحويه :


[poem=font="traditional arabic,6,blue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""] انتهض ياطير حوران بالعليا سنود = لا يغرك راعي الحقد لو قلبه حقد
ما تحصل مع هل الطيب له ذكر ووجود = دايم مع تالي الناس ما عمره صعد
ابصنف بعض الأشخاص في بعض البنود = وابدلل كلما قلت واروي بالسند
ما علي من الملامة ولا هرج الحسود = كل حاسد يدحره ربي الفرد الصمد
شفت أنا بعض البشر طيب الذكر محمود = لا بغيته بالشدايد تحصل لك ولد
ما يحسب للخساير عسى عمره يزود = يده لا مدت من أسخى يدين الناس يد
وافي راع المروات حلال العقود = بالمهمات العسيرة على الموقف ورد
كامل والكامل الله وله طبع ودود =ذاك ناصر يوم أمثّل وكل له شهد
وبعضهم لاطال وقته على ربعه جحود = تنكشف لك بعض الأوراق لا طال الأمد
ومنهم اللي شغلته مثل نقاض الجعود = دايم لنقل السوالف حريص مستعد
لو عطاك من المواثيق ما أوفى بالعهود = هرجت النمة عليها وكيل معتمد
يده عن فعل الكرم قاصرة فيها قيود = جاحد الخوة ما تجني وراه إلا النكد
وبعضهم شوفته خيّر ورجال معدود = يعجب بسرد السوالف وهو ما به مسد
ناقص ما يقطع الفرجة ولا فيه فود = موقعه بين الرجاجيل زود للعدد
وبعضهم لمجالس الناس في قلبه صدود = لا تعدى المجلس اثنين قام ولا قعد
لو تظاهر بالمراجل ترى ما فيه زود = ضيق الأخلاق من خلقته ما سر أحد
ومنهم العفن الذي لو كسب لا مايجود = لا سمع بالطيب وجهه تغير وانعقد
كل ما قلته حقيقة وأنا عندي شهود = والكثير من الحقايق ما ذكرت بالسند[/poem]

ناصر : هو الأستاذ / ناصر بن مطني المنيجل