الشاعرالكبير((فهيدالباطح))،،،

السلام عليكم ورحمة الله وبركاته،،،

أهدى لكم هذه القصيده وهى للشاعر الكبير(فهيدالباطح) وهو شاعر غنى عن التعريف،،،

حــلو لـذات الــولع والجهل زيـن ،،،،، يــــوم الهــوى ينــقاد للمهتـــويـــنى
عشقت يوم إن الهوى له قوانين ،،،،، وشــربت بحفـــونى بكــل اليــديـــنى
واضر ماجانى مـن العشق ثنتين ،،،،، وحــــده تــرجـــوينى وحـــده تبيــنى
وغديت مثل حويّرن بيـن ضيرين ،،،،، تقـــــول مــامــــرت عــلى السنيـنى
القيــض جــامعنا واهـلنا مقيمين ،،،،، وشــــوفهن عنـــدى بحرزن مكينى
والقيض فات وقالوا الناس نادين ،،،،، وانوَوْ على المرحال عقب القطينى
لاقلـــت هـــذا الراى قالوا معيّين ،،،،، الـــذاهــبين قـلــوبهم مـــاتلـــيـــنى
ياليتهم عــن رايهــم مستخيريــن ،،،،، اللــــى يـــردون الضــما وارديــنى
مــرحــالهم عنـــا شمــال متنحين ،،،،، والصبـــح طــارى ربعـنا مجنبيـنى
يبـــون للــركعه ويمـة عثــــامين ،،،،، سيــلٍ عــلى الوديان حط اللجيــنى
عساك يانفسى على الحق تهدين ،،،،، الله دعـــاك المحكمه شـــارعيــنى
قــــالت نفسه:
لاتطلــبن دين وانــا ماطلبك دين ،،،،، ولالــك عـــلى مــن الطلبات شيـنى
قال:
يالذاهبه دايــم بهـرجه تطــرّين ،،،،، صرتى عليه أشفق من ام الجنيـنى
قالت نفسه:
طـــول تداوينى بالانظار ياشين ،،،،، واليــوم تشمتبى مـــع الشـامتيــنى
أرجيه رجواللى ترجى المغيبين ،،،،، وسمــر الليــالى فـرقــنا الثنيـــنى

وسلامتكم وهذا من عرض القصيد ولاّ هى طويله لكن هذا اللى عندى وسامحونا،،،

ولكم منى كل التقدير والإحترام،،،

صح لسان الشاعر

وصحت أناملك

اقتباس المشاركة الأصلية كتبت بواسطة أمين المجلس صح لسان الشاعر وصحت أناملك

صح بدنك يالغالى،،،

تسلم ويسلم مرورك،،،

صح قلبك يارحال

وصح قلب الشاعرفهيد

اقتباس المشاركة الأصلية كتبت بواسطة منورالجميلي صح قلبك يارحال وصح قلب الشاعرفهيد

صح قلبك وكلك يالغالى،،،

شاكرلك مرورك،،،

تسلم على النقل رحال

صح السان الشاعر

اقتباس المشاركة الأصلية كتبت بواسطة سندالمويهي تسلم على النقل رحال صح السان الشاعر

الله يسلمك يالغالى،،،

شاكرلك مرورك،،،

صح لسان الشاعر فهيد الباطح

وتسلم لنا