مقتطفات من اشعاااااار قطيفان الجميلي

السلام عليكم ورحمة الله وبركاته
اقدم لكم مقتطفات من قصائد الشاعر قطيفان رحمه الله التي احفظ اجزاء منها على امل ان اضعها كامله باقرب فرصة
طبعا انا اخترت القصائد النادرة والتي لم يسمع بها اكثركم

========================================

يابنت انا نشـاد والاسـم بالخيـر = انا عجبت بصورتك مـع جمالـك
بين البيوت اللي تلـم الخطاطيـر = لاخايفـه منـي ولانتـي لحالـك
عساك قسم ٍ لي واسوق المخاسير = ويصير تاليهـا عيالـي عيالـك
=====================
مرحبا بك من مشيتي لين جيتي
من ضمير ٍ خافياتـه نصايـح
واحمد الله ربط بـك ماخذيتـي
قبل اهرف واحصلـي فضايـح

==========================
ياعمر واعمري اللي منك راحي
جبتني للموت وحيـاض المنيـة
كيف قومك صبحوا قومي صباحي
رافعين الحرب مامـن مرحميـة

==========================
جيت خلي يروي من مي الغدير
مالين قربته من قراح السحاب
قاللي هدني قلت له مايصيـر
غير من ذبلك باغين لي زهاب
والثنايا برد نازل ٍ مـن غثيـر
والجدايل تنقض جواعد ركـاب

============================
قولوا مساء الخير ياللي تجونـه
وانا على خيـر ٍ تنويـت حجـاج
حبو لنا خشمـه وحبـوا عيونـه
وفطنن ولاني عن مسالمه سجاج
عندي عزيز ولا ارضالها بالمهونه
الحين حين وربي ابخص بالافراج

=======================
الين حضك ياجبر مثل حضـي
نركض ورى ناس ٍ علينا بعادي
وحنا ان زعلنا مايجينا المرضي
نكسب لنا هرج ٍ وتالي نقـادي
=====================
وداعتك كانك تحفظ الوداعـي
لاجيت خلي قل عسى عاد عيده
وتشوفني مقدر من القيظ راعي
وعني تنحى بالديـار البعيـدة

============================

وللحديث بقيه

يعطيك العافية على المقتطفات المميزة من شخصكم
ننتظر ابداعاتكم كما تعودنا
جمعه البناقي

ياهلا بمشرفنا الغالي مرورك نور المتصفح

الله يعطيك العافية على هذه المقتطفات من الشاعر الكبير قطيفان الجميلي

حياااااااك الله اخوي خلف مرورك جميل ومشاركة جميلة

يعطيك العافية على مانقلت ومااقتطفت من روائع الشاعر الوجداني الكبير قطيفان الجميلي
تقبل فائق التقدير والاحترام

يعطيك العافية
وشاعرنـا الكبير المعروف قطيفان الجميلي غني عن التعريف

Engineer حياك الله على المرور