الحي يحييك .. والميت يزيدك غبن

كلنا يعرف ذاك المثل القديم اللي يقول :

(( الحي يحييك .. والميت يزيدك غبن ))

في هالقصيدة المتواضعة حاولت أن أرسم هذا المثل على لوحة من الحزن ,,

وإن شاءالله تعجبكم ,,







ياويـل قلـبـي كــل مااشتـقـت لقـيـاه
وياويـل روحـي مـن حـيـاة الغبيـنـة

كلي يحبّه .. يعشقـه .. حيـل يهـواه
والقلـب مـن حبّـه غـدى فـي يدينـه

أمـوت أنـا بـه فـي غيـابـه وأحـيـاه
وشلون أجل لو جـات عينـي فـعينـه

حاولت أنا اكتـم عبرتـي يـوم فرقـاه
وألمـلـم جــروح الـزّمـان الطّعـيـنـه

واعطيـه مـن قلـب المعـنّـى معـانـاه
وآخذ مـن جروحـه ولـو هـي دفينـه

وأضيع به في زحمة النّاس وأنسـاه
وأنسى معه ذكرى السنيـن وحنينـه

لقيـت نفسـي كــلّ مــا حــلّ طـريـاه
عــروق قلـبـي كلـهـا تـقـول ويـنـه

القلـب شـرّع بابـه وحـي مـن جــاه
والعيـن تبكـي دمعـهـا مستكيـنـه ,,

مـا كـل مـن يضحـك سعـيـد بدنـيـاه
ومـا كـل مـن يبكـي دموعـه حزينـه

أحدن بكى .. والكل يدري عن بكـاه
واحدن مـع الضّحكـة تحـس بونينـه

ياشين فرقـى الحـب وياشيـن بلـواه
والمشكلـة دنيـا بـلا حــب .. شيـنـه

والزين مـا يكمـل ولـو كـان ماحـلاه
إلا حـبـيـبــي مـاتـغــيّــر بــزيــنــه

ماجيت أسولف عـن حـلاه ومزايـاه
يكفـي أحاسيسـي وقلـبـي عارفيـنـه

الشعـر يعجـز وصفـهـا فــي قفـايـاه
لكنّـهـا بعيـنـي تـسـاوي كــل زيـنـه

كن الفضا في غيبتـه ضـاق مسعـاه
وكنـي غـريـقٍ ينتـظـر لــه سفيـنـه

شف دنيتي ياصاحبـي عقـب فرقـاه
مثـل الغريـب اللـي سكـن بالمديـنـة

مابـاقـي مــن أيامـنـا غـيـر ذكـــراه
من عقـب لحظـات الـوداع الحزينـة

باكتبْه أنا في صفحة الشعـر واقـراه
وباذبحَـه بـزود الـغـلا دون سكيـنـة

وبارسمَه فـي لوحـة الشعـر وانعـاه
وبادفـنَـه بـيـن الـضـلـوع الحنـيـنـه

بوسط الحشا في داخل الصدر مثواه
إمـــا يـســار الـقـلـب وإلا يـمـيـنـه

(( صحيح إن الحـي يعطيـك الحيـاة
ميـر الـبـلا حــيٍ وزادك غبيـنـه ))

وسلامتكم ,,,,,