رد سريع

بعث لى احد الاصدقاء رسالة ( مسج )والذي غير خطه ولم أعرفه وهذا نصها .......ولا اعلم ان كانت الابيات له ام لا .......



الرجال الصامده رغم المصاعب ما تميل ..........

والسماء كثر السحب ما يغطي نورها .

والوفي لجل الوفاء ما يذله مستحيل ..........

والثقة بالنفس حصن الرجال و سورها .

والوفي يبقى وفي والاصيل اصله اصيل ..........

والكرامة عند الاجواد تلعب دورها .



وقمت بالرد عليه


الحكي كثره عباله وزبدة الهرج القليل ..........

وقبح الله كل نفسن ما تخلي زورها .

المراجل مو بسيطة ما هى بسرقة شليل ...........

ولا هي افعالن خبيثه بيين الله جورها .

المراجل طبع فيها ما تحب اللي يعيل ............

ولا تحب اللي تصنع واللي مثل دورها .

وانت مدري وش مرامك بالقصايد والصهيل ......

والصحيح الشمس ظاهر للخلايق نورها .



وسلامتكم .....

شعر : محمد الماجدي

صح لسانك


لاكن تراك غيرت البحر


عن بحر الابيات الاولى


لاكن رد مقنع

انا عندي خبر بالتغير ...................... بس مادري اخوي سعد احس الابيات الاول كأن بها ابيات تحتاج لوزن ....... مثلا : السماء كثر السحب ما يغطي نورها ...
والاصح : السماء كثر السحايب ما يغطي نورها .
والله اعلم

شكرا ...... لمرورك .

بالعكس القصيده موزونه


ماعدا الشطر الاول

الرجال الصامده رغم المصاعب ما تميل

المفروض يقول

الرجال الصامده بالمصاعب ماتميل

مادري بس حسيت فى شئ غلط بالابيات

وشطر البيت : والوفي يبقى وفي والاصيل اصله اصيل .....

مو نفس بحر ردي

القصيدة التي في المسج موزونة إلا الشطر الأول كما قال الأستاذ سعد

أما قصيدتك فهي جميلة المعنى والاسلوب وبعض الأبيات تحتاج لوزن

وشكرا لك

القصيده الاولى للشاعر العملاق سلطان الهاجري
وصح لسان العملاق ايضاً الماجدي

شكرا لمرور الجميع ................... ماهي الابيات التي تحتاج وزن اخوي الامين ومنك نستفيد