*=== (( مسابقة تنسيق الملف الشخصي )) ===*

السلام عليكم
أخي القناص
دائماً والله مبدع
لكن أنا خطر ببالي أعترض
رغبة في الاعتراض مو أكثر
واريد اشوف اعتراضي مقبول ولا راح ترد علي بقوة
طبعاً أنا أريد أتهاوش
وما لاكي حدا أتهاوش معاه غيرك
تعرف ليش؟
لأنك ما راح تكدر توصل يمي
فماني خايف منك
واعتراضي هو كالآتي:
بالنسبة لهذه المسابقة
هذا الذي نسميه عندنا بالعامية (يسرحنا بالقنافذ)
يسرح بمعنى يرعى
والقنافذ معلومة
وهي لا يمكن رعيها
وهذا المثل يقال فيمن يشغل أناس آخرين بأمر لا جدوى منه (طبعاً أنا أتكلم عن نفسي)
ليش يسرحهم بالقنافذ؟
لأنه يريد يخلص منهم
يعني أنت حبيبي القناص تريد تسرحنا بالقنافذ وتخلص منا
تريد تلهينا اسبوعين بالبروفايل
وش هاذ البروفايل
يبه حنا نريد انتسولف ونهرج بالحديث الزين
ليش يُبه تريد تبعدنا وتخلينا نتسابق في الملف الشخصي
وهذا الملف الشخصي وين
طبعاً راح كل واحد يحصر نفسه بزاوية وما يمه حد يتسولف معاه
والله زين
وانت شراح تسوي
راح يخلالك المنتدى
أبشرك أنا ما راح أشارك
وبها الأسبوعين الله يعيني أنزل مواضيع بكد الجائزة التبي تعطيها للفائز
وراح أكعدلك ركبة ونص
(هذا مثل يقال كناية عن الترصد، فإن القناص يجلس ركبة ونص، أي يثني إحدى ركبتيه والأخرى ينصبها بنص ثني)
والله كريم
....................
طبعاً لأن أنا هاي الشغلة مو كادر عليها
اعترضت
وتقبل مروري واحترامي