الشاعر : متعب سعد الجميلي ~ نيوزلندا

الشاعر / متعب سعد المسيعيد


سبحان من هو خالقٍ خضر الاوراق
اللي سقاها بالجذور العميقة

ومد الغصون العالية كلها بساق
وبعونه الماء يصعد لها طريقه

بنيوزلاندا والطبيعة لها إشراق
جنة خيالٍ فوق وصف الحقيقة

هذي مزونٍ تزدحم كنه سباق
وهذي ثمارٍ يانعة للخليقة

وهذا محيطٍ ياخذ من السما ازراق
وهذا نهر يعطي صفاوة بريقه

حلاوته أشهى من فكوك الارياق
وصوت انسيابه حذرك من غريقه

وصوت الطيور انغام تشدي بالافاق
انغام كنها اوتار عودٍ رقيقه

والجو لا حرٍ ولا برد شناق
هب= معاه الروح كنها طليقة

ومع ذا وانا بالي تزايد بالاضياق
شيٍ بدونه ما اتهنا دقيقة

انا فوادي راح لفليج مشتاق
للي عذابي بين عينه وريقه

عينٍ عليها الموت من بين الاحداق
و ريقٍ تذوقت العسل من رحيقه

وناسة الخاطر واروّق اليا راق
واليا تضايق صابني معه ضيقة

من بيننا مربوطة احساس واخلاق
واسرار من بين الصديق وصديقه

ونيوزلاندا كلها طبق الاطباق
اقطها بس اني أجلس رفيقه