همسات ومقتطفات ... لا إبن فطيس

بسم الله الرحمن الرحيم


السلام عليكم ورحمة الله وبركاته أمابعد...
هذهـ همسات ومقتطفات للشاعر /محمدبن حمد بن فطيس المري[[ المحيط الهادئ ]]

وكل أمنياتي أنهــا تنال أعجابكم ,لانها من أختيــــاري اقتطفت من بعض أبياته, كــ قطف الورود من البستان,
وأحضرتها أمامكـــــم , فرآيــــكم يهمني وما أطول عليكم إليكم هذهــ الأبيات :


،؛،.. ((همسات ومقتطفات لا إبن فطيس)) ..،؛،




حكّم ضميرك بين الاثنين واختّـر ..
.. لاهل العلا جرّه .. وللـدون جـرّه


الطيـب ماحـدد ابّحـرٍ ولا بـرّ ..
.. من جا على دربه من الخلق سرّه


يوم اللقا ما انّصف ضعيفٍ ولا سرّ ..
.. اللا مع مـن جـاد كـرّه وفـرّه


لو كان شفت النّاس ببشوت وغتّر ..
.. كم من محارٍ مـا لقـي فيـه درّه


الحلقه ان زرّت ابطان الجمـل زرّ ..
.. ما استرّ من لا عزوةٍ لـه تسـرّه


الجمره ان ماتت فلا ينّفـع الكـرّ ..
.. مافادهـا الشبّـاب لـو زاد كـرّه


كم واحدٍ يضحك وهو يضمر الشرّ ..
.. عرق الشري ما انّباك لونه بقّـرّه


ما كل من يضحك بوجه الفتى بـرّ ..
.. من يصدق الصاحب بالافعال بـرّه



---------------------------------------------------


الذكا ما يلبس للفتى لبس ثوب ..
.. لا يحرّج عليـه ولا لمثلـه مـزاد



لا تدافع من اللي يحتمي له بطـوب ..
.. لا صفى جو مكه وش علي من تشاد



دام فيها مثل ماقيل نفضـة جيـوب ..
.. خل وضح النقا والصدق شف ومراد




-------------------------------------------------------------


اذا اللي قبلنا مـا علمـوك؟ ..
.. مثل من جا وصـدّر مـا روا


ونكرانك جميل اللـي هـدوك ..
.. مثل من جوّد الصقر وشـوا



وسجّ وهج عن من هم نسوك ..
.. ترى من يتبع المقفـي غـوا




--------------------------------------------


البايع الشاري مع الناس مقبول ..
.. بيع وشرا عااادي.. قبول وتراضـي



الى اجتمع مرهي وشاعر ومخبول؟؟
.. خلطة ادب فاشـل تثيـر امتعاضـي


تشرى الذمم واتباع بالعرض والطول ..
.. والكـل ينظرهـااا بعينـه وراضـي


المال خلاّ غير معقووول؟؟ معقوول!!
.. ما ألوم نجم الاغنيّـه قـام ياضـي


ياللأسف.. ما كل منقـول مقبـوول ..
.. ثوبٍ مشجّر جنّب ثوبٍ ابياااااضـي




-------------------------------------------------


في غيبتك ما ألد منا ومنا ..
.. ذكراك تملى وحشتك في غيابك


بالوقت في شوفة حلاك اتهنّـا ..
.. في وقفتك في مشيتك في ثيابك


لاجل العيون الناعسات اتغنّـا ..
.. الله يخلي لي غـلاك وشبابـك


البوح لك في شوفتك ما تسنّـا ..
.. مثل الكفوف الى شغلها التشابك


نسيت نفسي بين خنـه وحنّـا ..
.. بين العيون وبين صافي عذابك



---------------------------------

ألا يا وجودي وجد من فاجأه ديان ..
.. برغم اعتزال الناس من كثرة اديونـه


بعد ما فضى جيبه وكفه وحاله شـان ..
.. تناسوه ربعـه كنهّـم مـا يعرفونـه


تناسوا مواقيفه ولا كـن شـيٍ كـان ..
..على غير ما ترضى الكرامه يحدونـه


وهو كان منقع طيب منهل وفا واحسان ..
.. فلاشـك عّـوان الزمـان ايتحدونـه


رفع كفه الخالي الي الخالق الرحمـن ..
..عقب ما تصافوا كلهم ظلم مـن دونـه




---------------------------------------------


ابعدت مثل الحرف لا فارق شفـاه ..
.. ثم ضاع باحضان الفضا في العباره


ماهو بفرض اني على طول ويـاه ..
.. الكل منّـا عـز راسـه شعـاره


لو كان من راسه الى حد ماطـاه ..
.. زينه يزيّن خطوتـه فـي مسـاره




------------------------------------------------

لك حق تشره لو اني جيت ما جيتك ..
.. لاشك يامسنـدي تاتـي ولا تاتـي


في غيبتك لاحصل طاريك حييّتـك ..
.. واحمّل الغربي السـاري تحياتـي





-----------------------------------------------

قطر موطني وأنا مثل من تربوا فيه ..
.. راع البل وراع المال والغيص والفلاح


رجال الا سمعوا نداه أجمعوا لبيه ..
.. تطيح الغتر والروس .. بس العلم ما طاح


سواعد الأمير وفي المحافل فخر ووجيه ..
.. ونارد حياض الموت كنحن خرز مسباح




-----------------------------------------

الموت تالي العمر والدنيا مقيل ..
.. والآخره هي منتهانا لا محال


وديني وحب الناس والخلق النبيل ..
.. ثلاث هي دربي الى حسن المئال


الله يقدرني على رد الجميل ..
.. واللي يجملني الا جالي مجال

-----------------------------------------

غاسل كفي من مصافحة بعض اليدين ..
.. وقافل بوجيه أهلها صناديق البريد


أشهد اني للبلاوي على الدنيا مدين ..
.. كل ما راجعت نفسي طلعت المستفيد


المواقف تشخل الناس والطيب يبين ..
.. كل عام يطيح تسعه ويصفى لي وحيد

-----------------------------------------

ودام الود والخوة ,,, مع خالص تحياتي

احسنت الاختياار وصح لسانك ولساان الشاعر


موفق بإذن الله ... لك مني أجمل تحية .

[align=center]
بـآرٍك الـآـه فـيـك عـلى النـقـل الجمـيـل
[/align]

مشكـــــــــــ على المرور الذي جمّل وزيّن الموضوع ــــــــــــورين

مع خالص تحياتي...

بارك الله فيك على النقل الجميل

وصح لسان الشاعر

مقتطفات جميله ورائعه

وانت الاجمل يابو مبارك

لك تحياتي

تسلم يمينك وصح لسان ابن فطيس


الطيـب ماحـدد ابّحـرٍ ولا بـرّ ..
.. من جا على دربه من الخلق سرّه

اشكرك على حسن الاختيار

مودتي

اشكرك على الطرح الرائع
وسلم لنا وجودك بيننا
الى الامااام ...

لاهنت,,,