ياسيّد جروحي وخنجر غربتي !

قصيده حرّه للتواصل مع التحيه
.

.

.


ياسيّد جروحي ..
ومناي ..وغربتي ..
ياطعنتي ..و ياخنجري..
تعال شف ناظر عيوني ..
ماسكنها .حد غيرك..
من امانيها تعاني..
وانت ياسيّد ..دموعي .. ومحجري..!!


*

*


ياسيدي ..
ياسيد الليل..ياجنح الظلام..
يافاتك ستار الجروح..
وسيدها..
يامدينه مابها سكان وانوار وسلام .!!
منها .. جالي ..
على الاقدام حافي ..
خنجري غربه ..وطعنات اللئام.!!



*

*


ياسيدي ..
انت الغريب اللي ينوح بغربته شوق وحنين..
وانا على جور المدينه.. امسح اثارك..
واحدد خنجرك ..ياسيد جروحي ..
ياصباح ٍ ماتمرّه شمس ..في اضحى صباح..!
لاصباحه ليل.. ولا ليله صباح..!
.بعثر اشلائي.
وجمعّني ..وشتتني ..ويجمعني..ويكسرني.. ويجبرني..
وانا جالي غريب اصرخ ...
اّلمّ واقف عزيز ..وتنثني ساقي ..وانا مجروح.!!


.
.


غنا الحمام الورّق بين البساتين
وباحت دموع العين ..تذرف حزينه


اخلاقهم لصحاب واقرابنا شين
وخواطر احبابي علي حيل شينه

وانا اكثر جروحي ..من اسباب غالين
وجرح الحبايب ملتهب ..داملينه

ياعين لاتبكين ياعين تكفين
يادمعة النفس العزيزه وعينه..!!




ياسيدي ..
والله تعب .. ليت الاماني.. صادقه تنفع ولو هي ثانيه..
مثل الخواطر والمشاعر.. والنثر ..
لا شافها مهموم غناها.. ودمعه منتثر ..
والا عليه الحزن ..وقع . كبل اصحابه وجاه ..
انفلت من هم غيره.. والحزن يعشق هموم القلب ..
في نوح وصياح ..
والرياح العاتيه ... صلفه وعجه .. ماتشوف العين بالشمس الشروق..
.. الله يعين قلوبهم ...لامن هدى ليله سرى
عاني وطاهر قلبه ... وابيض من البرق ان سرى
ماباقي الا منه شويه ..وضيّ ....ْيعيش به
والوّحدها ماتختلف ..!!
..كل الجروح الوافيه ....؟
لو تفترق ..والوحدها ...اقلوبها ...متشابهه..
اصدورهم متشابهه .. وجروحهم .. نفس..الجروح ..
ماله ولا غير الله ..الواحد...يخفف لوعته ..
لكّن لاتظلم ولو انه كثر .. ظلم .. العباد .!


*
*


ياسيدي ..
ياحارس الليل البهيم..
ياعنفوان الجرح ..
ياجرحي الدامي سقيم ..!!
ياعزوتي ..
وادري بلا معنى..
نوايا داخلك ماهي حميده ..
لاجيت تغرس خنجرك ..
في جرحي الدامي ..على مهلك اهيم.. !!


*

*

ياسيدي ..
والله اهيم ..
والله يعين . المغترب في ديرة ٍ ماله قريب ..!!
وما لجرحه.. لاحبيب ولاطبيب .!!
ايوا نعم..
. هو ليه انا لوحدي هنا ..
واروي القلوب الوافيه كاسين من دمعي ..وفا


وهو لييه نكران القريب .!!




.

.

.

الله على الاحساس المرهف جداً مااروع من الابيات الاكاتبها والخواطر جميله جداً

ابداع

زودنا أكثر بهذه الدرر

اهلابالشاعرالرائع



فهدالماجدي شاعرجميل نفتخربوجوه بيننا

فاهلا وسهلا

صح فكرك .. صح نبضك ..


قصيدة رائعة كروعتك ...

ومنظومات جميلة ...


فهد الماجدي

لك الود ولك التقدير والاحترام


...

صح لسانك


قصيده روووووووووووووعه

ياسيدي ..
ياسيد الليل..ياجنح الظلام..
يافاتك ستار الجروح..
وسيدها..
يامدينه مابها سكان وانوار وسلام .!!
منها .. جالي ..
على الاقدام حافي ..
خنجري غربه ..وطعنات اللئام.!!



الله ياسلام