الشاعر : عافت الامير : لولا المكانه واختلاف المقامات

الشاعر : عافت الاميّر



لولا المكانه و اختلاف المقامات
ما بيّنت وقفت رجال المهمه

واحد تحيزم به و واحد سلامات
ما بين اهل ذمه و بياع ذمه

من لا وقف وقفت رجل بالمهمات
عن المدايح ما سلم من مذمه

بين الرجال يبين فرق و علامات
بالفكر و الهمه على رفع الامه

و اللي رفع رايه و حاز البطولات
حقق طموحه و اعتلا كل قمه

و الشعر له دور بجميع المجالات
و هنا مجال الشعر لازم يتمه

مسيعيد ياتاج الفخر انت بالذات
يا فخر ابوك و لابته و ابن عمه

باسمك رفعت لنا مع الناس رايات
و باسم الجميل اكبر فخر في متمه

راسك تعلا نجمة ٍ بالسماوات
من دونها كم واحدٍ فار دمه

مقدام في كل الامور العصيبات
لا صار بنفوس المخاليق زمه

حنا انتومس بك نهار الصعيبات
يا واجهتنا في نهار المطمه

فيك الشعر يزهى بتصخير الابيات
يا من على الوقفه بذل كل همه

الناس حسب افكارها مستويات
ولا خير في رجال من دون همه

وانت اعتليت وجبت عال الشهادات
تنوي و تقدر بالامور الملمه

واصل على درب العلا و الطموحات
مثلك اليا منّه بدا الشي تمه

الله يكفيك البلا و العقوبات
و دربٍ مشيته ينجلي كل غمه

صح الله لسانك ويستاهل الملازم الممدوح وانت تشكر ع المدح والكفو يستاهل المدح