على حظ السنين

-: على حظ السنين -:


عَديـل الـروح وأن حـرة عليك من البطـا ذكـراي

تـغـانـم فرصـة الـذكرى وشـب مـن الغـــلا نـارك

على حظ السنين اللي تساقط من غصن دنيـاي

خـريـف العمــر عـيـا لا يـفـوت بـســبـة أعـــذارك

بـلاي إن الـفرات أنـكــر مـن النـكبه ( أبو عـداي )

وبـلاك إنـك تبـي تـسقي عروق العشق بغبـارك

أمــانـه نـوخ ركــابـك أبـعــزف للـوصــل بـالنـاي

وإذا مـا أعـجبـك طـاروقـي تـخير وين مشـوارك

دخيـل الـرمش وعـيونك قـبل ما يـبـتـدي معنـاي

أبي من فضلك أعرف في غيابي وشْهي أخبـارك

أشـوف بـنظرتك حـاجه تـشـابه قولتـك بـي بـــاي

وأنا أحساسي يفك أرموزك ويكشف لي أسـرارك

حسافـه جيتني صدفـه وأنا من خاطـري لك جـاي

عسى اللي خطوتك يمـه يصير من الشقـى دارك

( رفيق الغيـر ) دام إن الهجـر ماعـاد لي بـه راي

تـغـانـم فرصـة غـيـابـك وشـب مـن الجفــا نـارك

____________________________________________________


* جميَـع الحقـُـوق محفـُوظـه *
الشاعـر / غنمـان الغـانم العنتـري

صح لسانك

أشـوف بـنظرتك حـاجه تـشـابه قولتـك بـي بـــاي

وأنا أحساسي يفك أرموزك ويكشف لي أسـرارك

خيالك واسع أتمنى لك التوفيق...

صح لسانك وعلا شأنك

قصيدة في قمة الجمال

لا عدمناك

صح لسانك


ياشاعر المليوووون

صــــح لســـآنك

ويعطيـــك العـآفيــــه ..

احترت في اختيار الأبيات وسقطت عيني على
على حظ السنين اللي تساقط من غصن دنيـاي

خـريـف العمــر عـيـا لا يـفـوت بـســبـة أعـــذارك


الشاعر غنمان

شعرك عذب وكأنك تجسد المعنى في أكثر من صورة تنساب إلى فكر المستمع كنسمة الليل الباردة

صح لسانك ويسلم فكرك

عَديـل الـروح وأن حـرة عليك من البطـا ذكـراي

تـغـانـم فرصـة الـذكرى وشـب مـن الغـــلا نـارك

مطلع مميز لقصيدة مميزة من شاعر كبير قادر على تطويع الكلمة والمعنى

صح لسانك وعلا شأنك

مهندس المنتدى

هلا وغلا مرورك اسعدني لاهنت