الشاعر : فواز البريك ~ يا هجوسي جت على باب الصداقه

الشاعر : فواز البريك


ياهجوسي جت على باب الصداقه
والعلاقه والمحبه والاخوه

بعدنا عن بعض مايقطع علاقه
ولاربطنا مع بعض غير المروه

ماكرهت من الصديق الا فراقه
ولانطرت الا وصل همال نوه

يستديم الوصل كان الود ساقه
ولايموت ان كان مااشعل فيه ضوه

لوحصل من بيننا عايق وعاقه
ماله الا موقفن يكعم عدوه

ناخذ الموقف على طيب ورواقه
من كبر قدره ومن سامي سموه

مانحب العنجهيه والحماقه
يالسان الود بالشرهه تفوه

لو طعم وقتي معه مرن مذاقه
ماتغير بالعيون ولاتشوه

اعظم كنوز الزمن كنز الصداقه
يامفرط بالصداقه والاخوه