الشاعر : عيد بن مطلق ~ الحب ويش ادراك قلي عن الحب

-
كلمات : عيد بن مطلق 🌹

الـحب ؟ ويش ادراك قلي عن الحب
الحب ؟ ناسً مـنـه صــارت مجـانين

حـبـيـبك اللي عشت وياهـ فـي درب
فـوق الـثلاث سنين او خمسة سنين

اللـي اليا من صار جنبك هو الطـب
اللي هـو بقـلبك يسساوي مـلايـيـن

بـس المـصـيـبه والمـطـمه والانــشــب
لـ جاء ولـد عـمً خــذاهـا بـالايــديــن

لا جاوبت ماأبغاه ماأبغاه شـالذنب؟
وش ذنـب من عاشت معه يامسلمين

عاداتكـم معها التقـالـيد تــشطٓب❌
تشـطٓب من قـانـون حـب القـديـمين

لاتـظلـمون الـبـنت فـي كـل من هب
ان جاوبت فـي ( لا ) خـلكم فـطينين

تـرئ السستر للناس ينزل من الرب
ان ماسترهـا الله فـلا انتم بحاميـن

يـاولٓـد عـم الـبـنت من قـبل تــتـعٓــب
اسأل وقـل للبنت غـيـري تـحـبـيـن ؟

ان جـاوبت في ( اي ) جنب لاتقرب
خـلهـم يعيشون الـمحـبه سعيـديـن

انا كـتبت الششعر مانـي مـجـررب
انـا كـتـبـت الششعر لاجـل المحبين

اللـي يعيش بشرق والخل في غـرب
اللـي بهـم هـمن مـن فــراق غـالـيـن