أربعة قصائد لكل من ابن ركاض والقرقاح والعطيفي والجميلي

بسم الله الرحمن الرحيم






هذه مجموعة من القصائد تدور حول الصيد ووصف الذلول والبندق وقد انتشرت بعض أبيات هذه القصائد بحيث غنيت مقطع من قصيدة المقناص ثم نشر منها في الصحف مخلوطة ونسبت هذه القصيدة لفراج ابن ريفه القرقاح وبعد البحث والتقصي ومقارنة الروايات وبذل قصارى الجهد في تحقيق نسبة هذه القصائد ورد كل قصيدة لصاحبها فقد أخبرني الراوي خلف بن قني الهوت أنه كان قد سمع قصائد المقناص من أحد حفاظ الشعر وعددهن سبعة قصائد ولكن فات علينا أدراك هذا الرجل والأخذ منه وحسب ما نتج عندنا من أقوال الرواة فأن هذه القصيدة هي عبارة عن مجموعة قصائد تواردت خواطر أصحابها وكل واحد منهم قالها يجاري الثاني والقصائد التي سوف نوردها أربعة قصائد لكل من ابن
ركاض والقرقاح والعطيفي والجميلي كما سنبينه فيما يلي :
* القصيدة الأولى للشاعـر فالح بن مسعر بن ركاض العامري السبيعي من أهل الضبيعة يقول :
قـم يا نديـبي ترحـل فـوق مـرمـالي = مـن فـوق منجوبـةٍ شيب محاقبها
ما فوقها الا العـقيلي يـا بعـد حـالي = وشديّـد يـوم ينسف هبـل غـاربهـا
لا روحـت لا مـذارعهـا تـهـوبـالـي = لـكـن يـديهـا تمـّزع مـن تـرايـبـهـا
فيهـا مـن الـربـد مهـذالٍ وزرفـالـي = منكوسة الـزور ما يلحق شواذبها
أطمـر عـليهـا اليـامـن ثـرب الـتـالي = لعيـون حمـراء تبـاريهـا جنايبهـا
يا ما خسرنا العـدا من كـل مشوالي = وكـم سابق باللقا طاحـت براكبهـا
مـع لابـة فعـلهـا ماضي لـه افـعـالي = سبعـان عدوانها تشكي مضاربها
ولي بندق رميها يغـدي غـثـا بـالـي = ومخضبٍ عقبها من كف صاحبها
الـلـه يـرحمـك يـا عـودٍ شـراهـالـي = مـن واحـدٍ جابهـا للسوق جـالبهـا
شراها لي بالذهب لـو سعرها غالي = بماية وعشرين ما يفهق بغايبهـا
مطرق فرنجي رباعي مالها اشكالي = يكـودني طولهـا لاجيـت أزهـبهـا
يا بندق العـبد ياللي مالهـا أمثـالي = اللي ليا جت ليال الصيف اعج ابها
كـم فـرحت بالخـلا من صدر زمالي = وكـم سرحـة دورت منها ربايبهـا
يا زين طردي بها غزلان الأسهالي = والتيس دمه يثـّوع مـن مضاربها
كـم عـود ريـم يجي مشيه تهنفـالي = كـن الحنـايـا عـلى راسـه يقـلـبهـا *

وهذه قصيدة الشاعر فراج بن ريفة القرقاح الفهري العبيدي القحطاني مجاراة لقصيدة الشاعـر فالح بن مسعر بن ركاض السبيعي حيث كان فراج جلوي عند قبيلة سبيع وعندما سمع قصيدة ابن ركاض تذكر جماعته وأرسل هذه القصيدة للشيخ أبن شفلوت يقول :

قـال ابن ريفـه بـدا بالمرقب العالي = وأخيـل مزن من المنشأ يهـل ابهـا
ما يدهله غيرصافي الريش ولوالي = ولا الولع يـوم يفنـك في عجايبهـا
وأنـا وراء الطارفة مانيـب كسالـي = وأخـاف مـن خبرة باحت مزاهبهـا
عليـك يا مرقـب جيتـه وأنـا سـالي = هيّض على قلبي ديار شطيت ابهـا
هيّض عليه شدوق الثـفن لا سالي = عطفت طريب إلى زافـت عجايبهـا
لامن غدا الفيض كنه زرع عمالي =سيلـه مـن الـقـدم للبطنـان نـاهبهـا
يـا مـا ويا ما نـزلنـا بعشبه المالي = بـبـيـوتـنا لا وزا المجرم يلوذ ابهـا
نـنـزلـه بـبـيـوت عـراف وجهـالي = وأن جاءالنذر من حفيفا ما نزهبها
بعـوال مفـلح وهـم حمـايـة التـالي = بمحـول صلف وعطبـاتٍ ضرايبهـا
أنشد عبيدة هل الطولات عن حالي = وأنشـد لجانيـب يـوم إنـا نـقـربهـا
مـن هـو يقلط على فرش وفنجالي = سعـد أبن عمه إلى جاتـه مكاربهـا
لا مـن غـدى بـيـن نقـاضٍ وفتـالي = وصفـت لجـانيـب وأذتـه بطلايبهـا
ثم جيتهم ثم لفحت ابهم على الجالي = لفح الـدلي للمعـدي يـوم يجذبهـا
وخـلافهـا شد لي في كـور مشوالي = مايشتحن من هل العيرات راكبها
تزها سفايف وتزها الخرج وحبالي = وامجربـه بالسرى فالليل صالبهـا
ملفاك من يلبسون الجوخ والشالي = ربعي ودرعي وضد اللي يحاربها
ملفـاك شيخ القبيلـة ذرب الأفعـالي = عند أبن شفلوت يالمندوب قـربهـا
قـلـه علي طالت المـدة وأنـا جـالي = عشرة سنين مضت بعـداد مقطبها
ربعي عبيده ماني عن قربهم سالي = هـل هـدة بالضحى تشعـا كسايبها
فأن كان ربعي نسوني ماني بغالي = بعـيـش فـي ديـرة قـفـرٍ جـوانـبـهـا
أنا من الخبرة الـلي شورهم عـالي = وأهـل سلوك الردى يا رب تذهبها
لي بندق ما صنعها الصانع التـالي = مـن دقـت المارت نحـال مقاضبهـا
في يدي قـرار تكف الجمع لنهـالي = طـويـلـة ناحـل مقـضب خشـايـبهـا
لمـحـلا صـوتـهـا بالمـردم الخـالـي = فـي قـنة الحيـد والحدباء تجاذبهـا
ولمحلا ضربها في جزل الأوعـالي = أبـو حـنيـه كبـيـر الـراس شايـبهـا
ذبحت عشرة بها والضل ما مـالي = والحادية روحـت تـثـلـع مضاربهـا
عط الطويلـه عـريب الجد والخالي = ولـد الـردي لا تخلونه يـزول ابهـا
ولا الشجاع الذي للصعـب حمـالي = أرفـع نـواصيـه يـا ربـي وقـطـبـهـا
تمـت وصلوا عـدد مـا هـل همـالي = عـلى رسـول شـروع الحـق رتبهـا
أغفـر ذنوب الفـتى يا رب يا والـي = لا جيـت فـي حفـرة رزوا نصايبهـا



* وقال الشاعـر العطيفي الولدعلي من عنزة هذه القصيدة مجاراة لقصائد أبن ريفة وأبن ركاض وقد تواردت خواطر الشعراء في عدة أبيات يقول :
قال العطيفي رقا في روس الأقذالي = بأعلا المراقيب تومي بـه هبايبها
عسى يعـله حقـوق الديـم هــطـالي = هاشل من المزن لا هـلـت سكايبها
جلست في مرقبي ما حولي الوالي = أحاسب النفس بالـزلـة وأعـاتـبهـا
يا الـلـه أنـي طالبك حمرا هوا بالي = لا روّح الجـيـش طـفـاح جنـايـبهـا
لاروّح الجيش حاديه أشهب اللالي = لا هي تـورد وسيـع صـدر راكبهـا
لا روحت مع سباريت الخلا الخالي = كـن الذيـابـه تـنهش من جـوانبهـا
الـلي على كورها واللي بالأحبـالي = واللي على المردفة واللي بغاربها
تشدا هنـوف غنوج شافت الغـالـي = ولا طـمـوح مـهـاويـهـا يـلاعـبـهـا
أبغي عليها إلى جاالجيش زرفـالي = مع لابـة دارهـا مـن عـال هـايـبهـا
ولادعـه بالملاقـى ترخص الحـالي = مـا ينطح جمعـهـا لا ضـاع مدبـهـا
ولي بندق رميها ماضي له افعالي = ومخضب عقبها من لفض شاربهـا
عـدل نظرهـا وحديده كنهـا ريـالي = كـن الحيـايـا تـلـوى مـع مقاضبهـا
عـاداتـنـا باللقـا نحمي بـهـا التالي = نيشـانـهـا باللحـم حـزت نـجـربـهـا
وإلـى لفونـا من المقـناص زعـالي = أحـدٍ مـدح بـنـدقـه وأحـدٍ يعـذربهـا
بشرتهـم بالعشا مـن عقـب مقيالي = والقايـده مع مـرد الكـوع ضاربهـا

* وقال الشاعر خلف بن حفر الجميلي هذه القصيدة على هذا الطاروق ويبدو أن الشاعـر نخيلان قد قال أيضاً على هذا الطاروق يقول خلف :
نخيلآن هضيتني في بدع الأمثالي = قـل يا عشيرك ترى القيفان ناجبها
أرقبت أنا مرقبي وأخيل الأسهالي = يا ما رقينـا بهـا ويا ما نحدر ابـهـا
لـي بـنـدق جبتهـا شفي وتـزهالي = يا الـلـه ياللي عطيتـه لا تـشح ابهـا
لمحـلا سجـهـا للـتـيـس بـأقـبـالـي = فـي دروح قامت تصوعـه قـوالبهـا
وأمزيّن ديكها عن خملـة الـقـالـي = وأجلس عليها لحين القـمع اشببهـا
لا جن مثـل الحيا بـه دق واجلالي = أطمن براسي وأنا أعاين غـواربهـا
أقـلـط للأول اليـامـا يلحـق التـالـي = والقـايـده مع مجـل الضلع صالبهـا
والـوف قدامهـا لا صابها اجـفـالي = لا جت تشفع وحس الرمي راعبها
تبشروا بالعشا مـن عقـب مرحالي = يـوم التفـافـيـق تـتـبعـهـا جنـايبـها

«®°·.¸.•°°·.¸¸.•°°·.¸.•°®»قصائد رائعه




وصح لسان شاعرنا المرحوم بإذن الله


خلف الحفرالجميلي




وشكرا على طرح هذاالموضوع الرائع«®°·.¸.•°°·.¸¸.•°°·.¸.•°®»

صح لسان الجميع


وقصائد قمة الروعه

أخوي حمد المصيبيح أنا أعتقد ان القصيدة كاملة للشاعر بديوي الوقداني

قصائد جميله



صح لسان الجميع

شـكــ وبارك الله فيك ـــرا لك ... لك مني أجمل تحية .

[grade="00008b ff6347 008000 4b0082"]
صح لسان الجميع
وسلمت يمناك
[/grade]