هاض فكري ~ الشاعر : عبدالرحمن حمدان العبدالرحمن الجميلي

الشاعر : عبدالرحمن حمدان عبدالرحمن مطلق عودة الدمعاني الجميلي



هاض فكري بعد ما زانت الشبه

ثم كلفت القلم فوق الاوراقي


راكب اللي زاهي اجناحه اصطبه

كن ليته نور كشاف براقي


ابيضٍ لا جيت جنبه تمنظربه

من حديث الصنع نزل بالاسواقي


منوة اللي هاجس الشوق يلعب به

ضاري لقطع المسافات سواقي


ياصل اللي ساكنٍ ديرة الشعبه

يم متعب مرسلٍ مدحي الراقي


الشجاع اللي ربوعه تفاخربه

صيرميٍ للمعاريف سباقي


فاتحٍ بابه لاجا الضيف رحب به

بالكلام الزين مع حسن الاخلاقي


وان نصيته في لزومٍ تبشربه

ما تعذر عن رفيقة ولا انعاقي


من سلالة شايبٍ طيبه اثربه

شيخ قومٍ للمواجيب عشاقي


والسلام اختام لك واتعذربه

والتحايا جتك من صادق اعماقي

صح لسانك والى الافضل

صح لسان الشاعر عبدالرحمن الحمدان
ويستاهل المدح متعب