صيد الجرآبيع والغزلآن وسقهآ على الكيــف

ܓܨܓܨܓܨܓܨܓܨܓܨ



ارحبوآآآآ






,,


اليوم جآيب لكم منوعآت وإن شآءالله تعجبكم


ܓܨܓܨܓܨ



:: كيفية صيد الجربوع ::


او شي في أنوآع للجربوع منهآ :

المصري الكبير (مالقيت صورته )


والشيرآزي




والجربوع الصغير




,,,,


:: صيد الجرآبيع ::










- وش معنى الجربعة ؟
* طرد الرجال للجرآبيع ومهوب أية وآحد يقدر يطرد الجرابيع .


- وش مهآرآت صيد الجربوع ؟
* أول شي الخفة والرشآقة >> .. يعني لازم يعرف ينقز والددسن تمشي

* ثآني شي نحآفة السيقآن وطولهآ >> يعني الدب يمسك ارضه احسن له

* الرساوة ,, يعني من حيث ما يفرفر الجربوع يكون معه ,,
يعني ما يقلب مع اللفه (مواصفات ألمانية)

* لازم يكون السواق متمرس على الطرد ويكون نظره قوي بحيث
ان الجربوع ما يفلت منه ابد, ونفس الوضع لمساعد السواق لازم
يكون مفتح عيونه مهوب ينآم وينسى وشو له جآي البريه .

* أن يجيد المجربع مسك طرف الثوب بفمه لأنه لو فك الثوب من فمه
وهو يركض عزتي له بيتكرفس ويطير الجربوع من يده
أو انك تربط ثوبك زين على وسطك


* أن يكون المجربع غشيم يعني حط الجربوع نصب أعينك ولا يمنعك
أي شي عنه حتى لو توطيت خويــك فهذه مصادمات عادية يعتبرها
المجربعون ضريبة الجربعه >> قسم فاقع من الضحك اتخيل خويي
سعد الدب يتوطآني ياويلي ويلاه


* وأحسن طريقة لمسك الجربوع يلحقه سوآق الددسن
الين يقرب منه ثم يولع النور ويطفي يولع ويطفي الين
ينعمي الجربوع ثم ينزل اثنين من المجربعين.. واحد من
يمين وثاني من يسار وعندهم جريد النخل عشان يمسكون
جربوعنا العزيز .. وان حس الجربوع ان به واحد يقرب
صوبه ونقز وشرد يلحقونه كلهم >> خابت خابت صابت صابت
اهم شي يمسكونه بس ينتبه راعي الددسن لايدهس واحدٍ
من اخوياه


* الطريقة الثانية يمسكون المجربعين كشافات قوية ويلحقون
الجربوع ويكزون اليت صوبه الين يآقف وماعاد يشوف زين ..


طبعاً فيه ناس تحب الجربعة كرياضه وفيه ناس يحبون
يصيدونها عشان ياكلونها ..

- اول شي يصلخون الجربوع ..




- وتقلب حتى ينشف ماء الجرابيع ويصبح لونها ذهبي




- يوضع الملح والبهار حسب الرغبة .



وبالهناء والعافية

وفيه بعضهم يشويها





تذكرت الابيآت اللي تقول :

يا ونتي ونت الجربوع
سكسين ديـزل توطنـه
يوم التفت للذنب مقطوع
ومن القهر جرها ونـه



بديت احس بالجوع ..



ܓܨܓܨܓܨ




:: طريقة صيد الغزلآن ::


هالمره مهوب بالبندق المره ذي عن طريق الفهد .. وبالصور






















:: طريقة طبخ الغزآل ::


المقادير والطريقه حسب تسلسل الصور :



البصل والطماطم مقطع شرايح :



لحم الغزال :





يترتب , طبقه بصل تحت, ثم طماطم
لحم الغزال
وبعدين بصل وطماطم
وبعدها ملح وفلفل أسود ترش فوقه
وتصب فنجال موية فوقة (للمرق) :



تلفة بالقصدير على شكل صحن
اربع خمس طبقات وجودة لا يطيح المرق:



تبرح له بالجمر :



وتدفنة بالمله والرمل وتغطيه بالجمر اللي عندك كلة:


كذا :


بعد نصف ساعة , على شان ما يحترق
خفف الجمر اللي فوقة , خل شوي بس

اذا كمل ساعة , نشيل الجمر اللي فوقة كلة






هالحين فاصل مع فكرة جديده قديمة لين يستوي ...


والفكرة يمكن جربتوها وهي
قدر الكوفيا والبريموس بالطعس يغرس
ويصير وزن القدر صعب.
وبهذى الفكرة القدر يتوازن صح على الكوفيا او البريموس
الافكار اللي عندكم أجمل وكثيرة وهذي هدية للي ما يعرفها :









وتعالو نطلع الكنز المدفون بعد ما كمل ساعة ونصف :














وبالصحة والعافية على قلوبهم وقلوبكم :




ܓܨܓܨܓܨܓܨܓܨܓܨ


أتمنى ان الموضوع رآق لكم

ترى كله تجميع منآ ومنآ وتعليقات منآ ومنآ
الين ظهر لكم بالصورة ذي


ܓܨܓܨܓܨܓܨܓܨܓܨ


مودة أخوكم/ابوراشد بن بشيت

موضوع في قمة الجمال والروعة

بارك الله فيك

ماشـــــــــــــــ




ماشـــــــــــــــاء الله تبــــــــــــــارك الله

وبــــــــــارك الله فيـــــك ابو راشد

الله يعطيك الصحة والعافية على النقل الممتع .

موضوع جدا ممتع
تسلم على النقل

* ثآني شي نحآفة السيقآن وطولهآ >> يعني الدب يمسك ارضه احسن له


ههههههههههههههههههههههههههههههههـآي

الله يعطيـك العـآفـيه عـلى مـآنقـلت بـس يـآخي الجربـوع عجـست لهـضمـه

وبــــــــــارك الله فيـــــك ابو راشد
</i>

كلك ذوق وحلا يابوراشد

* الرساوة ,, يعني من حيث ما يفرفر الجربوع يكون معه ,,
يعني ما يقلب مع اللفه (مواصفات ألمانية)

هههههههههههه

صعبة هذه لازم يحصلها

الصورتين هذه وش سالفتهن يابوراشد .

ماشاء الله يتصيد وهو كاشخ ،

أبو راشد :
ماهو حكم الصيد بالفهد ؟

تحياتي لك .....