قصيده مدح وثناء

بسم الله الرحمن الرحيم

السلام عليكم ورحمة الله وبركاته

قصيده مدح وثناء

يقول من يبدع جديد المثايل

واليا بدَع صارت بيوته دلايل

ابدع بيوت الشعر من بال واسع

وأخذ جزيله وأترك اللي هزايل

يا ناشدٍ عني تراني حسيكي

وربعي حسيكة من خيار القبايل

نُعرف ترانا كلنا باسم حسكان

لا حل ذكر المدح حنا الأوايل

سبعة بدود وكل بدٍ مسمى

سلايل رجالٍ ونعم السلايل

بني كريم أهل الوفاء والشهامة

ثلاثة بدودٍ من أهل الفضايل

ربعي ألاد ازحام قومٍ لنا شأن

قوم المشوّك يوم قدح الفتايل

تشهد لنا الحصنين حَيده وريعه

ويشهد لنا حتى الجبل بالفعايل

أهل الكرم والجود فأول وتالي

ذبّاحةٍ للضيف كبشٍ وحايل

وأهل الحكم والمعرفة وأهل ديني

نوعد ونوفي من رجال الصمايل

وأما العطا سبحان ربٍ عطاهم

العرِف والحكمة وعدة خصايل

أهل الشعر لن عودت للقصايد

أشعارهم تذكر ولا هي قلايل

للشعر شعارٍ وللعرف عرّاف

شيوخنا عرّافنا فالقبايل

وإن عودت للحرب قوم الحرايب

يشهد لهم كوبان وإعذب مَهَايل

وإن قلت ألاد جعيد قوم الزعامة

شجعان وقت الحرب ماهم ذلايل

أفعالهم منها العدا تلعن إبليس

يانعم فيهم والعمايم نطايل

أهل الحمية من قديم السنيني

فزعاتَهم يوم الجنايز حمايل

والمجيَشي أربع بدودٍ عددهم

قريش وهميلي وعمري نكايل

وألاد مشعف رابع ابدود مجيَش

فاسم الحسيكي كل أبونا نزايل

قريش مروين السيوف البواتر

مروين سلات السيوف الصقايل

ربعٍ لهم في الوقت قيمة وهيبة

يُحسب لهم يوم إنها بالنهايل

وقفاتهم من ماضيات العصوري

أهل الحيل للخصم وأهل المحايل

وأما الهميلي سِعد من ينتخي به

يا سِعد من ينصاه من شر عايل

حَمّاية الديرة ليا من المَلَح ثار

قطّاعة الفُرجة سباع القوايل

يا جاهلٍ فيهم تنًشَد وتلقا

تلقا الهميلي من رجال الجمايل

وألاد عمر معمرين الحدودي

حامينها يوم الذخاير شعايل

ياما من العدوان صدوا مغيره

وراحواعداهم من ضََرهم قتايل

ناسٍ لهم في الوقت صولة وجولة

صالوا و! جالوا مع عيال الحمايل

يشهد لهم بيضان وصرار شاهد

يوم الثميدي مثل وبل المخايل

وأما الشعافين أهل قول وشهامة

قوم الوفاء والطيب قوم الكمايل

عز الضعيف اللي حداه الزماني

اللي زمانه متعبه بالعلايل

يرقد بأمان الله وثم النشاما

قروم الرجال معدّلِين الموايل

وسَمُوا الحنيشي حي ذيك القبيلة

امشيدين المجد بين القبايل

حامين حدّان الدِّير بالبنادق

رَسَوا ورَسَّوا من بقلبه غلايل

سقم الحريب وعز من ينتخيهم

تاريخهم مثبوت ما هو بزايل

هذي قبيلتنا وهذا نسبنا

متسلسل ٍبالمجد مابه فشايل

من جدنا حسيكي إلى الجد ناصر

الناصري حارث من أهل الشكايل

حسيك بن ناصر وناصر لحارث

وحارِث مُعرَّب من جميع الرذايل

حنا الحظر والبدو منا الشلاوى

قوم الشهامة حي ذيك الفصايل

ألاد شالي ناصره مرجع إلهم

منا وفينا بالنسب نعم طايل

وحنا بنى الحارث قبيلة عريبة

تاريخنا واضح ولابه ضلايل

يوم المغازي كل عايل نصده

بمسلباتٍ في يدينا نقايل

ياما خذينا من قروم الرّجال

وياما قعد خلٍ لِخله يخايل

يوم إنها ما بين سارق وناهب

وكلٍ على خصمه يسوق الأصايل

صلنا وجلنا في قديم الليالي

نَغلِب ونُغلَب لين صارت عدايل

واليوم أبو فيصل حكمها بسيفه

وعم الأمان بفضل رب الجلايل

وكلٍ عَرَف دربه وأخذها سناني

إلا الخبيل اللي بعقله خبايل

والخاتمة ماودي أجحِف بقولي

ولا أريد افتِّح مبهمات الرسايل خمسين

بيت مرتباتٍ على قاف

نقيتها وأبعدت عنها العظايل وصلاة ربي

عد من زار مكة

على شفيع الخلق يوم الهوايل


منقول

أنعم وأكرم بقريش

شكرا لنقلك الكريم

وبداية موفقة

قصيدة جزله=======ش

صح لسان شاعرها وسلمت يمناك


بارك الله فيك على النقل
[grade="00008b ff6347 008000 4b0082"]

عندك ذوق في أختيار القصائد

[/grade]واصل ابداعك

[align=center]
صـح لسـآنـك
[/align]

صح لسانه ولسانك

صح لسان شاعرها وسلمت يمناك


بارك الله فيك على النقل

بااارك الله فيك على القصيده