قصه ممتعه جدا وواقعيه

السلام عليكم ورحمة الله وبركاته

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

هذي قصه وقصيده واقعيه اعجبتني واتمنى ان تحوز على رضاكم
هذا كان في واحد متزوج بنت عمه وكان اس وكان يحبها وتحبه وكانت حالت الرجل ضعيفه وكان كريم
وكان كل ماجاه شي من المال هبهب ريحه وريح الجماعه وكان في هذاك الوقت الهيل غالي الثمن ولا كل شخص يبهر قهوته بهيل كانوا يبهرون بالعود يعني المسمار لان كان المسار في هذاك الوقت ارخص من الهيل بكثير وكان الرجل هذا كل ماجاه شئ يكثر الهيل بالقهوه، وكانوا اهل الزوجه دايم يقولون لها شتبين بهذ الله فاقره واذا جاه شي يبهر قهوته بالهيل وهو ماعنده شي تاكلين يوم واسبوع ماتاكلين ، وقالت البنت هذا اللي محببني فيه طير شلوه لامن جاه شي هبهب ريح الجماعه ، واتفق ابو البنت وامها بإن اذا زارتهم البنت يمسكونها مايخلونها ترد مع رجلها وفعلن هذا اللي حصل ، ولما انتها وقت الزياره جا الرجال علشان ياخذ زوجته ، وقال له ابو البنت بنتنا ماتبيك طلقها ، وقال الرجال انا ماراح اطلق الا اذا قالت هي طلقني تبوني اطلقها وانا ابيها وهي تبيني ، وقال ابو البنت اجل ماعندنا لك مره ، وراح الزوج لبيته وجلس حوالي عشرين يوم ، وجا يوم من الايام اظيوف يبون يزورون اهل الزوجه ، وقالت ام الزوجه لزوجة الرجل المظلوم قومي تزييني ورفضت الزوجه تقول انتم تبوني اتزين وانتو طاردين زوجي لكم اللحين حوالي شهر ، وقالت ام الزوجه اجل بس سوجي الميل على رموشج لان ارموشج شهب والميل يعني الكحل وردت الزوجه بهذي القصيده :-



يامل عين حاربت سوجة الميل
========= على عشير بالحشاء شب ضوه
عليك ياللي طبخته نصفها هيـل
========= اللى سعى بالطيب من غير قوة
المال ماينفع اعفون الرجاجيـل
======== والفقر ماقصر ابراعي المـــــــروة
اجواد نسل اجواد جيل بعد جيل
======== الطيب فيهم مـن قديـم وتـــــــوه



وبعد هذي القصيده قالوا لها اهلها انتي مافيج طب بس روحي ياجعلج انتي وياه تموتين جوع
وسلامتكم وانشالله انها حازت على رضاكم وان اكون خفيف على قلوبكم


اخـــوكــم / المطـــنوخ

بارك الله فيك اخي العزيز على هذه القصة الرائعة والتي تبين مدى حب هذه المراة لزوجها لانه كريم ويحب الطيب وللامانه الادبية المرأة اسمها هيا بنت عيادة بن راشد من بني سالم من حرب وزوجها مبشر بن مرزوق من مزينه من قبيلة حرب وقيل ان اسمه الحثل من بني سالم من حرب والاول هو الاقرب والاكثر رواية

الله يعطيك العافيه اخوي جمعه وبارك الله فيك على اكمال المعلومات
وترتيب القصيده وجزاك الله الف خير وهذا دليل انك عضو مميز
ومنها للاعلى

بارك الله فيكم جميعا على توضيح هذه القصة الممتعة والرائعة

وإن من الحـــــب ما قتــــــــــل
يعطيك العافية المطنوخ

الطيب خير من الردى

لله درك

ما أجمل هذه القصيدة

يعطيك الف عافية على القصة
هو يستاهل وهي تستاهل

لان كل واحدكسب الثاني فى الاحترااام

دمت بصحة وسلام
الساطع