الرويعي يحقق المركز الثاني في ضياع الطير

في مسابقة المعرض الدولي للصيد والفروسية في أبو ظبي

الرويعي يحقق المركز الثاني في ضياع الطير

الشاعر حمود الرويعي حصل على المركز الثاني في افضل قصيدة في ضياع الطير في مسابقة المعرض الدولي للصيد والفروسية في أبو ظبي 2011م.
نبارك له على هذا الانجاز، علما بأن الشاعر حمود الرويعي قد حصل على المركز الاول في هذا المجال على مستوى الخليج.
وهذه القصيدة التي فاز بها الرويعي بالمركز الثاني والتي تتحدث عن ضياع الطير .



,



ول يا عصر الخميس اللي مضى قبل الزوالي
قبل لا تاصل حدود الشمس حضن الجاذبيّه
يومٍ أقشر والشتا برده قوي والحظ مالي
روّح النادر ورا ذيك الخريش الشقلبيّه
راح في لمحة بصر والطير اعرفه ما يبالي
تل سبقه يوم شاف الخارم وخلّا خويّه
مرتين يردّها للجو والضلع الموالي
خابرٍ حزّه عشاه ولا بعد يشره عليّه
الوكاد انه خذا من ريشها ريش ومدالي
والخريش معشره وقت الليالي الموسميّه
كنّها فالجو طيّاره ويدفعها الشمالي
راح ويّاها وعرّضني دروب المهمهيّه
صاملٍ وجازم عليها مثل ابو زيد الهلالي
اختفى لو كان طارحها بوسط الجرهديّه
ضاع واللي ضاع في وقت الهدد فكري وبالي
في دقيقه واحده مدري وش اللي صار فيّه
شرهتي للصوت والملواح في روس الطوالي
وليتني طرّفت صندوق الفشق والبندقيّه
الهقاوي والحراوى ضيّقت صدر الشمالي
قبل ساعه من ظلام الليل يوم الشمس حيّه
وش يفيد اليوم واليومين دام القفر خالي
وارد لشبك الحمى والقاع وان قلت محميّه
والله ان الطير عندي يا أهل المعروف غالي
وكان به عذروب صملاته على البرقا قويّه
نادرٍ مغتر أصيلٍ ما كره في ضلع عالي
من حرار جبال فارس والهضاب الفارسيّه
مير حيل الله قوي واللي كتبه الله جرالي
واتباشر دقّة الجوّال في صبح وعشيه
أتحلّى بالصبر وارجيه لو ان الليالي
لا عطتني من مودتها ولا هي حاتميّه
كل ما اذكر ضيعته فالجو يطري ما طرالي
البلا.. في يوم عيد.. وثالث اعياد الضحيّه


حمود مطر الرويعي

,

الف مبـروك ي حمود الرويعي ,

,

تحيآتي الميآسية

صح اللسان الشاعر


ويعطيك العافيه على النقل الرائع

صح لسان الشاعر حمود الرويعي

وقصيدة جزلة تستاهل مراكز متقدمة

الشششاعر حمد الرويعي
شاعر غني عن التعررريف .,’~
سلمت انـأملك على ماخخطت به .~ تقبلي كل الاححترأم اختي الفاضله .~

صح لسان الشاعر حمود الرويعي

وقصيدة جزلة تستاهل مراكز متقدمة

صح لسان الشاعر
وتسلم يمينك على النقل الجميـــــــل..
ودمتي.. كما تحبين

صح لسااان الشاعر الرويعي

قصيدة راقية وجزلة ومن العيار الثقيل

ألف مبروووك

ومشكووورة أختنا على النقل

الف مبرووك للشاعر يستأهل

بس بالله ممكن اعرف وين ضاع الطير هههههههههههههه

لكم تحياتي