قصيدة توجد وسؤال للشاعر/مانع بن سلوم البذالي

في أحد الايام
اتصل علي واحد من الاصدقاء العزيزين
وقال ظبط القهوه وكانت الساعه 10 باليل وقلت ابشر
ويوم قمت
لقيت ان القهوه تبيلها حمس ودق والخ وعارفين القرقعة والحوسه خاصه اني كنت تو واصل من السفر.والزبده حكرت له فنجال قهوه نوع بريه يقند الراس....
وكان هالخوي له معرفه بموقف مع شخص كان ماخذ كل تفكيري... طبعا ايام زمان ............! وقلت له...


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~



[poem=font=",6,purple,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
هجدتنـا ... فـي تالـي الليـل.. ياعبيـد =وابشـر.. بفنجـالٍ مـن .. البّـن رايــب





سويت.. لـك مـا يطـرب الكيـف بالأيـد =اشقـر .. يخلـي ضـايـق الـبـال طـايـب




يامرحبـا .. بـك عـد حلـو .. الأناشيـد =او عــد ,, مــا هـلـن رذاذ ّ السحـايـب




ويامرحبـا بـك عـد مـا صـادوا الصـيـد =فـي كـل مقنـاصٍ بـه.. الصـيـد سـايـب





اللـي يبينـا شوفتـه .. عندنـا ,, عـيـد =لـه .. فـزةٍ باللـي ظهـر .. والغـوايـب




أسألك .. باللي يجمـع .. بغيـر تحديـد =ربٍ يـحـل .. معـقـدات ,, الصـعـايـب




عـن مـن هـواه يهـدد.. الـروح تهديـد =مـن راسـي لرجلـي بـه الجـسـم ذايــب




وقلـب تولـع.. فـي هــواه سـيـد الغـيـد =وفي عز .. نفسي نوختلي .. ركايـب




ياعبيـد.! فدنـي عـل.. ربـي لـك يفـيـد =علك عن .. علومٍ بها .. الخل جايـب




رجــواي.. لــه رجوى فطـيـمٍ عــن .. الـديــد =في كل .. منهو هاقي .. الظن. خايب




وياعبيـد شفنـي فــي حـيـاة المواعـيـد =مـوت الامـل يرجـف علـى كـف شايـب




كـان القـدر مبعـد .. وانـا عـنـه ابعـيـد =قسمـه.. ولكـن .. دونـه الحـظ عايـب[/poem]






~~~~~~~~~~~~~~~~~~~~~~~~~~~~~~


سلامتكم



مانع سلوم بن فريح البذالي


{ نبه القصيد }