هامتي فوق

بدري عليك اخضع وانا هامتي فوق --- قبلك كثير اللي قعد لي ولاطحت

تبطي عظم ماجابني يمك الشوق --- عيني تقز لفوق مادنقت تحت

ابرك لك النسيان لاتموت محروق --- شفني نسيتك وانبسطت وتريحت

فارق عسى مايوقف الجرح لك عوق ---في ذمتي محدن درى عنك لو رحت

هذا الشنب يالابس الشال محلوق --- ان زار تفكيري مكانك وصالحت

النفس طابت منك معاد لك سوق --- يعني اعتبرني مثل ماجيت روحت

مالك عفو ثوب الثقه صار مشقوق --- عذرك فسخ كل الحيا يوم بيحت

ماكل مطرودً مع الوقت ملحوق --- تراك تكسب شيب صبرك ولاافلحت

ثوب الوفاء لاتلبسه صار مايلوق --- موضه وراحت وانت فيها تمصلحت

خلك مثل ماكنت طالبك لاتفوق--- توك بعد ماعلنت فرقاك صحصحت

تستاهل الصده مع افراق مرموق --- طيرك كفح لاتجتهد يوم لوحت

قرناس ماحطت له ظروفه سبوق --- حرً حضنه الغيم خلاك لو نحت

في ذمتك له قبل مايطير طاروق --- يكفيك عن ذكراه لامسيت واصبحت

اخر كلامي عزتي بالسماء فوق --- ولاانت عايش تحت وتموت في تحت



اخر ماكتبت وحي من الخيال 25/4/1434ه

بقلم غنمان الغانم العنتري

صح لسانك يالمبدع

دائما متميز

خلف المهدي

صح بدنك ولاهنت

ماكل مطرودً مع الوقت ملحوق
تراك تكسب شيب صبرك ولا افلحت


الله الله
ابيـآت مميـــزه
صـــح لســآنك
وننتظـر جديدك
..

اقتباس المشاركة الأصلية كتبت بواسطة بيـآدر ماكل مطرودً مع الوقت ملحوق تراك تكسب شيب صبرك ولا افلحت الله الله ابيـآت مميـــزه صـــح لســآنك وننتظـر جديدك ..

صح بدنك مشرفتنا والتميز يكمل بتواجدك لاهنتي

صح لسااااااااااااااااااانك

اقتباس المشاركة الأصلية كتبت بواسطة الداهية صح لسااااااااااااااااااانك

صح بدنك لاهنت

صح السـأنك . ومميــز . مشـأء الله .
ويسسسلم فكرك .