ناس خداعه

ابي من باقي ايامي دقايق وانبسط فيها--ماعاد من القديم الا جديد الجرح وأوجاعه

كفوف الحظ قشرى لو بصبر الجاش احنيها-- مثل من صاح في وجه الزمن واستنكر الساعه

صدور احلامي الصعبه قدر وقتي يعريها--والاصعب وقتي الجاير ياكيف اقدر على اقناعه

تموت امالي اللي بس انا وحدي اعزيها--ولابه من بشر هزه نفوذ الموت ووضاعه

كتمت من السكوت جروح مدري وين اوديها--مابي من حاول بذبحي يزيد الشر واطماعه

اجامل ضحكت الطاغي وانا ابخص في بلاويها--لان الجرح علمني فنون الصبر واطباعه

ياكثر اللي جزمت ابني قواعدها ولاابنيها--ياكم مركب حضنه الموج من صنعي بلاشراعه

اجازف وارسم الخطه ولاتكمل واسويها--اعاند والثمن حزني وجرحي يصبح بضاعه

خساره عمري الماضي تعبت ولااقدر احصيها-- وانا ادري مقبل ايامي ضحية ناس خداعه


بقلم / غنمان الغانم العنتري 2013

صــح الســــــأنك وتســلم
قصيده جميــله بحد ذاته .
ويسلم فكرك .

صح لسانك

وألف شكر لك على تميز شعرك

ماشاء الله

صح لسانك وعلا شأنك

قصيدة جدا مميزة بكلماتها ومعانيها

صـــــــــــح لســــآنــك

...

صح لسانك وعلا شأنك ,’
قصيدة جدا مميزة بكلماتها ومعانيها ,
.
.

صح لسانك ياشاعر المليون

صح لسانك

وألف شكر لك على القصيده الممتعه اللي تستحق قرائتها

تحياتي لك