حلم ياخذني بحر وآتوه بعيونه غريق .. والسنين اللي مع ايام العمر راحت سريقة

[poem=font=",7,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]



حلم ياخذني بحر وآتوه بعيونه غريق=والسنين اللي مع ايام العمر راحت سريقة

مالها غير الأمل يرمي لها الحبل الوثيق=تنطلق من لحظة ٍ كانت بها الدنيا محيقة

وتناثر ما .. وجوف الصدر تسمع له شهيق= حشرجة انفاس مخنوقة واصوات ٍ صفيقة

منبعث من قمة اليأس الذي ماله شقيق= و اتكسر تحته الآمال ماتقدر تعيقة

والليالي لاظمحلت يختفي فيها الصديق= كن ما فيها نجوم ٍ والقمر اظلم بريقة

تاهت اخطايا وتاه ابها دهاليز الطريق= والعصا طاحت وعيني ما اشوف ابها الحقيقة

والزمن ما كنة الا فخ بالدرب الوهيق= اتناثر فيه احلام الطفولة في دقيقة

والعمر طير ٍ تقيّد من عقب ماهو طليق= منصدم بالواقع اللي مالقابة من يفيقة

آه ياقلبي و آه امن الزمن اصبح خنيق=واصبحت فيه الاماني ضيم وجروح ٍ عميقة

ويش اسوي يا زمان ٍ ما روى به اي ريق= غير ما شفت البشر كل ٍ يخوّن به رفيقة

والعقول اللي تمر ابها امور وتستضيق= حجمها اكبر وتلقى للامور اسهل طريقة

والهوى للناس اصبح كذبة ٍ فيها عشيق = يلعبون ويستبيحون الستر دون الخليقة

يا تراث اجدادي اللي من مضى وقتة عريق=آتغنى به و روحي دايم ٍ لاجلة شفيقة

والندى لامن لمسته وسط يديني رقيق= ادخل ابجوي وانسى ان هالدنيا رفيقة






[/poem]

فواز بن حمدان بن بليبص النعيسة البذالي