قصيدة للشاعر سعدالمسيعيدبمناسبة زيارة الملك فهدلحفرالباطن عام1414

هذه مشاركة مني عسى ان تنال اعجابكم ورضاكم

بمناسبة زيارة الملك فهد بن عبد العزيز آل سعود......... رحمه الله وأسكنه فسيح جناته
لمدينة حفرالباطن عام 1414 هـ
كتب الشاعر : سعد بن مسيعيد بن خلف العنيزان الجميلي هذه القصيدة
وألقاها أمام سموه ... يقول فيها:

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يالله ياللي عالمن كل ما خفى=حلال كربات الليالي وكودها
انت الكريم اللي لك الفضل والكرم=نرجيك يا منشي سحايب ارعودها
انك تعز ملوكنا في بلادنا=تعز رايتهم وبطّل حسودها
ملوكنا آل سعود كسابة الثنا=ونجدٍ بلدنا ونتفخر بزودها
الله يرحم من سعى في عمارها=و اسس مبانيها وثبت حدودها
عبدالعزيز اللي حكمها وصانها=بالسيف عذاها عن اللي يرودها
عقبان نجد اللي من أول تهومها=كسر مخالبها وقصر قيودها
حكم نجد في راية وعزم وهمته=على سنة الاسلام ركز عمودها
عسى الجنة الخضراء مقره ومسكنه =وعسى الله يوسع منزله في لحودها
صقر الجزيرة يوم خلاه وارتحل=عقب حرارن نفتخر في وجودها
بعده ملكها سعود بالعدل واستقر=على الوفا والمجد واثبت شهودها
ملكن كريم الجود والمد والعطا=ويمناه تبذل للمقصر جهودها
وبعده ملكها فيصل العاهل الذي=رفع مستواها لين جتها وفودها
على البر والتقوى حكم فيها وانتصر=والنصر ذعذع مع نسانيس نودها
رفع مستواها واجتهد لمن اثمرت=كما زهرة الخضراء نعم نبت عودها
بسياسة وبهمة عبقرية=فيصل عدلها لين حلل عقودها
خطط مشاريع البلد لمن اعتمر=وصفا جوها يوم استوت في ركودها
وبعده ملكها خالد ومن حكم بها=والخير عم ابلادها مع نفودها
خالد ولد عبدالعزيز ابو بندر=ملك نجد نهضتها صعد في صعودها
واليوم فرحة دارنا في عقيدها=ملكنا فهد جاها وزالت الهودها
انت ملكها والوطن لك تزخرفت=مثل العروس اللي تنقض جعودها
حنا عيالك وانت ابونا وعزنا=وانت ملكنا انت الفهد ساس جودها
رفعت البلد في نهضة تعجب النظر=بعزمك ورايك وانت فيها تشودها
اللمملكة فيها عقيدٍ يروسها=ملكنا فهد سبعٍ خشت منه اسودها
فهد سندها يا سعدها ونصرها=على السنة السمحا بعرفك تقودها
لبست ثياب العز في كل موقع=واستبشرت بافراحها عن انكودها
عسى الله يثبتكم على الحق والهدى=نشكرك ثم نشكر اخوانك اعضودها
عبدالله ولي العهد يعيش ابو متعب=يروس قوات الحرس مع اجنودها
حليمن فهيمن ضيغمين اليا سطا=تموت اعداه وحرها في اكبودها
وسلطان هو سلطاننا في حياتنا=قائد اجيوشن ما تحسب اعدودها
جيوشن تهيل العقل وانتم ولاتها=عيال الحمايل حدر ظلك جرودها
قواتنا بالحرب ترهب فعالها=ليا من نار الحرب شبت وقودها
مدافع مع إف خمسة عشر معتبينها =تهوى و تضرب ثم ترقى سنودها
تحت راية العاهل فهد نفتخر بها=مع الشكر اكرر كلمتي ثم اعودها
املوكنا اللي نفتخر في وجودهم=آل سعود ساس المجد مجذب جدودها
الحمد لله ثم نحمد ملوكنا =والضيم عنا ترفعه في زنودها
افكاركم ما كل واحد يديرها=جبال الرواسي ما تزعزع احيودها
تحت ظلكم عشنا بعيشة هنية=امان ورخا ما نشتكي من زهودها
والعفو يا مولاي كاني مقصر=نفسي رضا انفسكم مكاسيب فودها
هذا ومن عندي سلام وتحية=تمت ولا لغير الاله امعبودها[/poem]واعذروني على التاخير