قصيدة قويه جدا

لا اعرف اسم صاحب القصيدة ولكن لم أرى اصدق من مشاعر شاعرها وكيف استطاع ان يصور هذا الموقف الغريب بهذا الاحساس العجيب ....
قصيدة قويه جدا وصادقه وشاعر فحل



أبد ما جيت أبــــارك لك ولكن جيت باوصيك
على الله ناوي(ن) تدخــل بها اللـــيله ... معذبتي
ترى لولا الظروف اللي عطّـتك وحدّت محاكيك
قســـم بالله مـــا تدخل عليــــها لو على رقبتي
ولكن النصيب أقوى ولاادري ويش اسوي فيك
نعــم...صــارت معزبتك,, ولا صــارت معزبتي
كذا شـاءت بنا الأقـــــدار تحرمني لجل تعطيك
كذا لازم عشــــان تفوز انت,,أنا اخـسر بتجربتي
تراها غاليــــة جدا..وتكفى.. والله يخلـــــيــــك
تدللــــــــها..تدلعــــــــها..تنسّــــيها مصاحبتي
أنا من كثر مااغليها أحس اني بديت أغلـيك
ولاتسـأل بأيـة حـق والا وش مناســــــبتي
لأنك لو بتسألـني بتسمـع شي مـــــــا يرضيك
لذا يا خــــــوي لا تسأل ولا تسمـع لأجوبتي
أبيك تحطها في داخل عـيونك وبين ايـديـك
وهي دلوعة إعتــــــــادت على كثرة مداعبتي
فداعبـها شوي شوي حـتى تشتهي طاريك
وشاغبها إلـــــــــيـن تقول: بـطّــل من مشاغبتي
واذا هي مالها خلقك,,ولا تضحك ولا تسليك
تحمّلــها وإسألـها :ياعمـــــري ليـــه عصّبـتي
وبالك أسمع انك يوم تضربهــا وهي تشكيك
ما يحتــاج أوري لك بفن الضـــرب موهبتي
صحيح انك بتملكـــها ومعك العقــد بالتمليـــك
وانا عــــارف حدود الله ومن حــقـــك معاقبتي
ولكن قل لها : المجنون وصّـــاني وهو يعنيك
يقــــــول انه بيــنــتظـرك لوشـيّـب وشـيّــــبتي
وانا مجنونها اللي مـا نساهــــــا وانت مايمديك
تغــطي ذكريـــــاتي.. في هواهــــا و ربع تجربتي
أحس اني تماديت بكلامي,, والغضب حـــاديــك
ولو انك في مــكاني ما تفكر في محــــــاسبتي
كفاك اني تركت الليــــله أشغالي عشان أجيك
دخلت القاعة برجلي ولا أدري ويش عاقبتي
وانا ما جيت أخرّب عرسك الليله ولا أذّيـــك
أنا جيتك عشــان أخاطـبك واسمع مخـــاطبتي
توصّــــى .. وانتبه.. واحرص عليها والله يهنيك
ترى كل الكلام اللي طلع من ضيقي وكبـــتـــي
ولكن ما قدرت اني أقوله وانت مايخفـــــيك
أخـــــاف اني اذا قلته تقوم وتقطـــع رقبــتي
------------------------------

ياسلالالالالالالالالالام فعلا قمة الصدق




وقصيده مؤثره000صح فكرك اخي محمد على النقل الابداعي

شـكــ وبارك الله فيك ـــرا لك

ماستطعت اكمل قرأتها ،،،،،، تدري ليش


مرت علي ،،، اخاف تجدد طعوني
المفروض تقول له لو يقط رقبتك
شكرا لك

شكرا لمرور الجميع .... انا قرأت الكثير .
ولكن جد اثرت فيني هالقصيده ليس لان لى تجربه ولكن لصدقها وعدم وجود التكلفه فيها .
الله يعينك يا الكايف ..... وعسى ما يمر علينا هالموقف انشهد ان اقشران كان حب صادق .
فعلا مجنون اللى يوصى العريس على حبيبته
لا ويهدده بعد

القصيدة المذكورة للشاعر

محمد الشهري



وتم ذكر اسمه للامانه الادبية وحقوق كاتبها

قد قراتها سابقا ...



وشكرا لنقلك اخي محمد وشكرا لاضافة اخي ثامر الحمدان


قصيدة مثقلة بالصدق..

قصيدة رائعة

شكرا لنقلك