جائزة بر الوالديـــــــــــــــــــــــــــــــــن ....؟؟؟

اخواني الكرام

قال لي ابوي الله يطول عمره ويحفظه سالفه عن بر الوالدين واعجبتني وحبيت اسولفها عليكم

يقول فيه رجال بار بوالديه وكان كله همه راحتهم والسهر على رضاهم وكان يحب يبرهم

مهما كان حجم او نوع الخدمه

المهم ماتوا شيبانه وكبروا عياله وبداء يكبر ويضعف ويحتاج للخدمه

ورزقه الله بعيال (ن) شروكم اجاويد وبهم خير

واحد الايام كان الجو شديد الحراره وارضهم نفود وتعرفون النفود بالقيض تصير جمره

المهم قال لااحد عياله ابي انثر الماء - اعزكم الله ( يتبول ) المعذره اعزكم الله

ومسكه ولده مع يده ويوم جلس للتبول ( تعرفون الارض ساخنه )

وهو يحط الولد يده تحت خصوتي والده لمنعهم من ملامسة الارض الحاره

ويوم شاف هالتصرف من ولده وهو يبكي ويتذكر والده

وهو يلتفت لولده وقال ( اهب يمال الذهاب والله كل شي سويته لابوي الا هذي راحت عن بالي )

وسلامتكم

هذا والدي الله يحفظه مسيعيد حمدان الحضرمي الجميلي



الله يرزقني ويالكم بالذريه الصالحه

وتقبلوا تحياتي

جزاك الله كل خير ورحم والديك وسلم على الوالد والسلام امانه

انا اعتقد ماتكلم عنهم والدك وجيله ارى انا لن نصل ماوصلو اليه في بر الوالدين

في وقتنا هذا كثر العقوق نسأل الله العافيه والسلامه

رزقنا الله برهم ورضاهم

http://www.youtube.com/watch?v=T1V_pPCdZFo

وهذا النموذج الثاني حمانا الله واياكم

http://www.youtube.com/watch?v=bI9rw693lko

ابو محمد نعم الرجل ذو الاخلاق العالية والمواقف الرجولية النبيلة كسب احترام ومحبة الجميع
الله يطول بعمره ويكثر جنسه

الوالدين حقهم وشأنهم عظيم ... شكراً لك ابو تركي

الله يجزاك خير

وفيه ناس فيهم خير حتى في الوقت الحالي

وقد عايشنا ذلك

الله يخليه لك

يعطيك العافية ...

الله يطول عمر أبو محمد

فهو من أهل مكارم الأخلاق

لكن تعجبت من لفظ إهب على ابنه

وفقك الله

الله يجزاك خير ياابو تركي على هذه القصة

والله يطول بعمر والديك

والله يرزقك ويرزقنا البر بوالدينا