قصيدة أذان الصلاة//متعب سعد

السلام عليكم ورحمة الله وبركاته



بعد طول غياب ومهما حصل لابد لنا من اللقا بعد افتراق

....

ومع كثرة أشغالي وعدم ارتياحي لمقابلة اللاب توب

جزمت أن انقل لكم قصيدتي والتي أرجو أن تنال إعجابكم



وهي بعنوان (( أذآن الصلاة ))



فاترككم مع القصيدة



يقول لك:



يالله إنك لا تعوق الصالحين**ويالله أن تهدي عبادك للصلاح
يالله أن ترضى علينا أجمعين**ما لغيرك نرفع أكف الرواح
يا جماعة كلكم قولوا أمين**مرة ومرة عدد عد السباح
يالله أن ترحم جميع المسلمين **ويالله أن تغفر لهم كل شي راح
من بعدها يا كرام= سامعين**ما لكم غير الحقيقة والصراح
الهداية بالكتاب المستبين**والتلاوة تشرح الصدر انشراح
كان لك عقل= يزيد العقل دين**وكان بك ضيق= يقودك لارتياح
ياكثر ما به من الشي الثمين**يا كثر ما به من اشفاي الجراح
العدل والحكم والشرع المتين**والقصص وأشياء من أسرار النجاح
الجبل والله لو يفهم يلين**ينصدع له في خشوع= وانسياح
قوة الكلمات والمعنى الرزين**ما هو بشعر= ولا سحر= بواح
لكن انه يسحر القلب الفطين**شدته أشد من عصف الرياح
من بغاه الله يعطيه اليقين**ومن خذاه الله يطلق له سراح
والغنا واللي يجرون الونين**العمى والله منهم ما استراح
والله أن أزين كلام..المذنين**ياحلو صوت المؤذن بالصباح
الأذآن الله أكبر مرتين**ومرتين= تنزح الهم انتزاح
لا اله الا الله الحق المبين**لا اله الا الله الشرب القراح
أشهد أن محمد من المرسلين**النبي الهاشمي ابن الذباح
حي والله من ركوع= ساجدين**حي والله للصلاة وللفلاح
الصلاة آخير من نوم= سمين**الصلاة آخير من روح و مراح
والله أكبر من جميع العالمين**والشهادة للمغاليق انفتاح
إن سمعت ولا نهضت الحال زين**اعرف أنك مثل ما قالوا براح
الصلاة وصاة من هدي الأمين**طيبة والطيبة طيب= فواح
الركوع خضوع من عبد= حزين**من كثر ما يحمل من الهم طاح
والسجود أنك ذليل= مستكين**راسك العالي تحطه بانطراح
واعرف أن رضى الله إرضاء الوالدين**والديك إرضاهما خفض الجناح
مثل ما حطوك في حضن وحنين**أعطهم منك الليونة والسماح
واعرف أن الدين في عز وعرين**والاسود لها لحى ولها اجتياح
واعرف أن آخير ناس التايبين**والدعاء للمؤمنين أقوى سلاح
يالله أن ترحم جميع المسلمين** يالله أن تغفر لهم كل شي راح
يالله إنك لا تعوق الصالحين**يالله أن تهدي عبادك للصلاح
والختم قولوا معي يا طيبين**ألف صلى الله على راع الوشاح


وسلامتكم وسلامة الزايرين



وفي الختام أقول: بعد الاجتماع لابد من افتراق


فلنا لقاءات معكم بإإذن الله تعالى

واسمحوا لي على الغياب الطويل

الهداية بالكتاب المستبين**والتلاوة تشرح الصدر انشراح
كان لك عقل= يزيد العقل دين**وكان بك ضيق= يقودك لارتياح
صح لسانك ويعطيك العافيه
ننتظر منك المزيد

مشكور يامتعب

والله يجزاك الف خير

وصح اللسانك والله يكتب لك الاجر

صح لسان ياابو سعد

صح لسانك

قصيدة دينية جميلة

نسأل الله لنا ولك التوفيق

ماشاء الله .

صح لسانك ولاهنت .

وفقك الله .

بارك الله فيك..........على هذه القصيدة


وصح لسانك........ياأبو سعد..........ومشكور

الهبوب



صح بدنك...


وما شاء الله على توقيعك ( أعجبني كثيرا)


تحياتي لك