هيه يالطارش العاني ( سعود بن حفر )

هذه القصيدة للشاعر الكبير : سعود بن مسيعيد بن حفر الجميلي ، وهي من القصائد القديمة ، وسأضع ما بحوزتي من قصائد هذا الشاعر وقصائد شعراء القبيلة تباعا إن شاء المولى عز وجل وذلك لحفظ موروثنا الشعري والشعبي

أترككم مع هذ الرائعة

[poem=font="mateen,6,indigo,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
هيه يالطارش العاني بوصيك جابه=سلموا لي على الحدقان واللي نزلها
عل يسقيه من نو الثريا سحابه=مزنة نوض براقه يسابق هللها
مدلهم من المنشا تسقى ربابه=والرعد حس خلفات ترزم جملها
نو غيمه ثقيل ولا يهب الهوا به=والخباري تملت مع محاجر سهلها
تنثر الماء لحين القاع تقذف ترابه=قيمة أربع شهور ما ينشف بللها
ويظهر النبت كله بالمحاجر تشابه=البختري مع القفعاء يخالط نفلها
ولبست القبع من عقب المحل والطرابه=وزان كيف الهوى والنفس يرضى زعلها
ديرة اللي خذا قلبي وعمّق صوابه=وافقت لي وأنا وافقتها مع جهلها
حبها بالضماير حط قلبي حرابه=لو تغلى علينا غيضته ما حملها
غالي ثم غالي والغلا له مهابه=راح قلبي معه وعروق قلبي نتلها
حب غض النهد كاميه ما أحد درابه=والجروح القديمة بي تجدد سملها
أرخص اللي يبي من شان جلي عذابه=ولو تهيا لك الله ما ندور بدلها
هيه يا راعي الدكان ضبط حسابه=لا خذا منك عطها اللي تبي لا تسلها
ما دريت أني أنا عنه لك بالنيابه=لا خذت منه خلوها تروح لاهلها
لو تبي تاخذ الدكان مالك طلابه=انتبه في حساباتك من اللي كفلها
والرجا بالله المعبود فتاح بابه=والليالي طويلات علينا مهلها
[/poem]

صح لسان الشاعر الكبير أبو ممدوح

وتسلم يمينك على نقلك المميز يابوسلطان

ونسأل الله أن يعافي الشاعر الكبير ويمدّه بالصحة والعافية

حياك الله أبا راشد

واللهم شاف أبو ممدوح وعافه

صح لسان الشاعر ابو ممدوح وسلمت اناملك أبا سلطان على مانقلت

صج لسان الشاعر ابو ممدوح .. والله يعافيه ويطول بعمره

تسلم ابو سلطان على جهدك واهتمامك

يعطيك العافية وصح لسان الشاعر

صح لسان الشاعر الكبير

صح لسان الشاعر الكبير أبو ممدوح