قصيدة (( أمريكية ))

السلام عليكم ورحمة الله وبركاته...


من الولاية ....أقصد الولايات المتحدة الأمريكية..



أرحب بكم جميعا ...فردا فردا بيت بيت زنقا زنقا...



اليوم عندي لكم قصيدة ...عسى تنال إعجابكم...



هذا كنت جالس في غرفتي أنا وأهلي...


نتسولف....

هذا قبل لا أروح لأمريكا....


الوكاااد نسولف عن كل شيء ...فــ جبت طاري أمريكا وسفرتي ..


فقلت : إن شاء الله أبروح لأمريكا نص شهر ...

المرة ( الله يحفظها ) سكتت تفكر...

قلت أنا: مدري يمكن أخطب لي أمريكية وأدفع لها السوق وأجلس عندها هناك ....

و... وأجيبها لك ... أبيك تورينها الشغل... هاللي خذتني عليك...وتدبينها لما تقول بس (( هههههه ))

فـــ سكتت ... وجابت الدفتر وكتبت... ( ليه يا دنيا كل ما أبي أضحك تبكيني )


قريت كتابتها .... قلت : هاتي الدفتر والقلم...

وأكتب وهي تقرا ..... قلت:

أنتي بعيني لو سافرت للغرب .... أشوف طيفك كل يومن بعيني
لا صرت عني بعيدن صابني كرب ... ساعات بعدك معتبرها سنيني
العين مع نونها باتت على حرب .... والود ياخذني على قو ديني

فـــــ ابتسمت ابتسامة الضاحك....

قالت : ما شاء الله هذا على طول تكتب القصيدة...يووووه لو أني شاعرة لا كتب بك الشعر وأملى الدفاتر كلها...

وغدت سالفة أمريكا ... وصرنا لسالفة الشعر وما الشعر...( ههههههه )


الوكاد أني هالحين أنا بأمريكا والحقيقة ما اخفيها (( اشتقت لكل مكان بالحفر ))

واشتقت للمحبوب شوقين...

فقلت طال عمركم هالقصيدة:

قلت:

سافرت يم دار الكفر ديرة الغرب ..... وأصبحت من بعد الوساعة سجيني
وسوى لي الهوجاس للمملكة درب .... وسويت له بفليج زرع وقطيني
ومن عادتي يا صاحبي دايمن ذرب .... ماني من اللي مع رفيقه حزيني
لكن يا صاحبي يا سيد العرب ....... بعد المسافة حال بينك وبيني
قربك على قلبي مثل بارد الشرب ..... وشربك حلو..شربن على القلب زيني
القلب ما ينساك بالبعد والقرب ..... وإليا ابتعدت القلب جر الونيني
كني مع العالم وحيدن مع السرب .... من قال لي ( ويلكم ) تذكرت ويني
ياليتني ميت مغطى على الترب ..... ولا آذوق شي= من بعادك يجيني
يا صاحبي (أررب ) وخلك على ( أرب ) .... وإليا ابتعدت آجيك لو بعد حيني


الله الله.... وسلامتكم وسلامة السامعين...



عسى أن تنال .. إعجابكم...


ودمتم سالمين



المشاركة لجميع المنتديات

يسعدك ربي

الحين تاكدت ان الجميــــــــــــــــــــــــــــــــــــــــلي حنون حتى لو انه امريكــــــــــي

الجمــــــــال ليس بالقصيده !!!!

قصيدتك تحتاج ترصيص

الجمــــــــــــــــــــــــــــــــــــــــــــــ ـــــــــــــــــــــــــــال في روحك وغلاك لاهلك

وابشرك الحفـــــــــــر واهله بخير وانتبه للدراستك ويمديك عليه

وبعدين انا طلبت منك طلب مانفذته للاسف

وتقبل احترامي

صح لسانك وفقك الله لكل خير ياشيخنا

صح لسانك وفقك الله لكل خير ياشيخنا

صح لسانك ..يعطيك العافيه .

أحلى تحية لك أخي الغالي أبو سعد

صح لسانك شيخنا .. ماشاء الله قلبك خضر

الله لايضرك مميز في كل المجالات

حفظك الله ويمديك على المعزبة ما امداك رحت هالعجل اشتقت على حيلك يا مطوع !!

أبو تركي...


هلا بك ومرحبا



وصح بدنك طال عمرك...


يقول الشاعر : ما أنا لحالي واجدين= ربوعي ) ههههههه


وطلبك طال عمرك منفذ ومقضي منه.....

اللي هو غرض الدراسة و العائلة وغيرها....


ارجع لصفحة السؤال وقلب بهاك الصفحات تلقى الجواب....


عزيز وغالي أبو تركي...


بالتوفيق

أشكركم جميعا على المرووور...

أبو عبدالله البسام

هولستن


بسام الجميلي


الزعيم


مشكووورين