الشايب والوايت .. !!!

الشايب والوايت -



يسولفون عن شايب نوا يشتري له وايت..عشان الحلال،،



وعزم يجمع له بالدراهم لين صار عنده ثمانين الف ريال،، وتوكل على الله،،



واقبل ذاك اليوم إلا ذيك الناس المجتمعة في ارض فضا،،



واثري جمبهم وايت،، وعجب خوينا بهالوايت،،



قال بس خلني اشوف هالوايت عساه للبيع،،



يوم وقف واثري هالجماعة سمعهم يحرجون:



50 ،، 52 ،، 55 ،،



قال بس شكلهم يحرجون على هالوايت إن شاء الله انه من نصيبي،،



ويخش بالحراج... 56 .. ويزود.. ويزودون .. ويزود..



لين وصلوا 75 .. قام خربها وقال 80 ..



هو قال ثمانيييييييييين يوم سكتوا..!!! وهجدوا..!!!! والتفتوا عليه،،!!!!





يناظرونه.. يناظرون بعض.. يوم تغامزوا ونقز له واحد منهم ..



ويسحبه على جنب.. قال شف يابن الحلال بنعطيك مليون ريال بس امش من هنا ولا

نشوف وجهك..





قال هااااا.. وش السالفة..؟؟!! مليون ... وليه..؟؟ قال له بس خذ هالشيك وتوكل

على الله



وش اسمك؟؟ عطاه اسمه وكتب له الشيك بمليون ريال وصرّف الرجال..



هو ما يدري وش السالفة ..





طيب وش العلم ..!!!!!؟؟!!!!

..

..

اثري هالجماعة يحرجون على المخطط وواقفين بالصدفة جمب الوايت..

و56 مليون و75 مليون.. وبو الشباب خش معهم..



ويحسبونه هامور يبي يلطش عليهم المخطط.. قاموا صرفوه بمليون..



وهو طاير من الفرحة يا سبحان الله..



قال الله تعالى : (( وفي السماء رزقكم وما توعدون )) صدق الله العلي العظيم

منقول

قصة طريفة جدا .... وهنيئا له المليون
وفاله الوايت = التنكر

أحسن مزاد

شكرا لك

...........لاشك ان الله هو المتكفل برزق العباد

...اسأل الله لي ولكم الخير..والرزق الحلال


.................ابو حميد ......اهنيك على ما قدمت
اتحفتنا ....ونريد المزيد

......تقبل تحياتي .......اخوك / الاســـــــــد

@@@@@@@@@@@@@@@

مشكور اخوي ابو حمد على النقل الطريف

والله رزقه وجاااااه

اقتباس المشاركة الأصلية كتبت بواسطة الازيرق

يا رجال على هونك بطلنا من الموضوع كله ليصير لك حادث وبعدين تصير أحيمر بدلا من ازيرق
ارحم السيارة !!!!

امزح مشكور ولك من اجمل تحية

اقتباس المشاركة الأصلية كتبت بواسطة الأديب قصة طريفة جدا .... وهنيئا له المليون وفاله الوايت = التنكر

سبحان الله هو الرازق

تحياتي لك