هل هي للجميل او سبيع!!

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

سؤال للجميـــــــــع ؟؟

وانا اتصفح المنتديات وجدت قصيده نسبت للشاعر دبيان بن عساف في اكثر من منتدى ولما سألت بعض كبار السن من قبيلتنا قالوا ان القصيدة للشاعر حمد بن غلطة

والقصيده تقول :








صاحبي راح مع ناقلين الكـار..مع فريـق علـيّ ابعـدوا داره
مع فريق الجمّالين يـا نصـار..ماتجيني من العـذب بأخبـاره
ما تجيني بعلم عسـاك مجـار..من جميع اللوابيـث واشـراره
لا مشت كنهامن حمـام الـدار..تذبح اللـي نـوى الله باقـداره
جادلٍ صوبتنـي وانـا محتـار..حطـه الله لعيونهـا شــاره
عود موزٍ ليان عليـه احضـار..مايبيعـون بالسـوم تـجـاره
عين شيهانه تعجـب الصقـار..لابرق الريش ماهيـب غفـاره
شبه وضحا زعول على القهار..فـي نهـار المواريـد دجـاره
حايل مـا بعـد ريعـة لحـوار..من مغاتير الاجـواد سنجـاره
بنت من يحتمي المهره الثبـار..شايب الخير كد شاعت اخبـاره
وأخت من يذري الفاطر المشكار..يرخص الزاد لا غليت اسعـاره
احسب أني على صاحبي صبار..واثـر قلبـي خـراب تعمـاره



وقد حذفت منها بعض الابيات منها :

يا فريق تنووا على المحدار .. طلعت الشمس بسعود حداره


اما السؤال ؟؟
هو : هل هذه القصيده لشاعر سبيع دبيان بن عساف او لـ حمد بن غلطه


اتمنى من الجميع التفاعل والتوضيح عن الموضوع هذا !!

والسلام عليكم ورحمه الله وبركاته

تحيــــــــــتي

اخو سلمى

عن نفسي لم أسمع بها من قبل ..!؟
وربما تكون للسبيعي

شكرا لحرصك اخي اخو سلمى

لااعلم بهذه القصيده واول مره اسمعها
واعتقد انها لسبيع مدام انه يقول الجمالين
فنحن الجميل وليس الجمالين--واذا عندك معلومات اكثرانت
والشيبان اللي قالوا لك ثقات والقصيده عندك كامله فعطناها

وللمعلوميه الشاعرحمد بن غلطه من فخذالمصيبيح شاعر جزل له
قصائد كثيره لانحفظها لأنه عاش في الكويت واذا عندك له قصائد
اكون لك من الشاكرين 00



واهلا بك اخي اخو سلمى

فعلاً اول مره اسمعها

سمعتها من قبل

وقد قالها مهلي حشاس الظفيري على الربابة

لكن لا أعلم من قائلها

[align=center]ماسمعتها من قبل



ابحث ورى القصيده ونبي نعرف من شاعرهاا



مثل قصيده ابوي اللي يقول


ليتنا كل خمس شهور نطلع بأجازه ...... المعاشات تمشي والاجازه مديه



نسبوها لواحد لشاعر ثاني وكتب عنها عافت مطر الجلال بالجريده ونزلها ابوي في شريطه وثبتت انها لابوي



الف شكر لك اخوي




تقبل تحياتي[/align]

شكرا على الردود لكن
اخي سعد القصيدة يمكن ما سمعتها لكن كلمة الجمالين تطلق على راعي الابل والواحد جمال وبعدين القصيدة انا ناسخها من منتدى واللي كاتب الموضوع سبيعي لكن اللي قال لي انها لحمد بن غلطة قال ان الشاعر حمد حصل له خلاف مع زوجته وذهبت زوجته مع ابوها ومعها ولده سعود والدليل البيت

يا فريق تنووا على المحدار .. طلعت الشمس بسعود حداره

واخي امين المجلس فعلا كلامك صحيح قالها مهلي الحشاش على الربابه

اهلابك اخي اخو سلمى


وبالنسبه لحمد بن غلطه توفى رحمه الله ولم ينجب ولم يتزوج


هذا حسب معلوماتي 0000اذا عندك معلومات عن هذا الشاعر

فلا تبخل علينا 000وتحيه لقلبك النقي