لو الزمان يطيع

بسم الله الرحمن الرحيم



السلام عليكم ورحمة الله وبركاته


اخواني مشرفين واعضاء الملتقى لقد كتبت هذه القصيدة من جديد بحيث حصلت اخطاء في القصيدة السابقه
وارجوا حذف القصيدة السابقة وابقاء هذه القصيدة وشكرا


لو التمني يبري الجرح ويفيد

ماصابني من جور الايام صايب



ولو الزمان يطيع لاقلت ويعيد

ويدير مع ديرة نسيم الهبايـب



غاب الشقا ماصار للجرح تجديد

ولاشفت من صكات بقعا مصايب



لاشك صار اليوم بالوضع تعقيد

اقفا الزمان وخاطري منه طايب



مجروح ماعينت للجرح تضميد

كم مرتـ(ن) ياعيد رديت خايب



صوتت بأعلا الصوت وين الاجاويد

اجاب الثرا شخصـ(ن) تناديه غايب



يرجع صدا صوتي اليا صحت ياعيد

ويـــن الرجال اللي تــفك النشايـب



صفحة وفا فيهم للأجيال تمجيد

من دونهم حالت اقبور ونصايب



واليــوم ماعينت للطيب تأكــيـــد

ضاع الرجا ما بين مخطي وصايب



حاولت اكابر والزم الصبر واجيد

لين الامل منه اصبح الحلم شايب



من حس بالوعات ليله سراميد

كم واحد(ن) صكت عليه النوايب



لاطاب جرح ولا سلم من مقاريد

يكفي اسى ياوقت وش انت جايب



لو الطعون براس حزمـ(ن)جلاميد

مـــن كـثر ماحسيت يمديه ذايب



بس القلوب اقسى من الصخر ياعيد

لولا الحسد ماشح وبل السحايب



ليه انتجاهل كلمت الحق ونحيد

وننسى فضل جزل العطا والوهايب



نعاتب الايــام ونعيـــــد و نزيــــــد

وحنا السبب والوقت ماله سبايب



ناسين يوم(ن) فيه للعمر تحديد

يوم(ن) ماتنفع فيه دمعة قرايب



لامال ينفعنا ولا منصب يفيد

لاصار مانكسب وراها ثوايب



والعمر في كف القدر له مواعيد

خير العباد الي عن الذنب تايب




الشاعر /.... سالم الطرقي

صح السانك وعلا شانك

قصيده جزله .. من شاعر جزل

صح السانك وعلا شانك

قصيده جزله .. من شاعر جزل

صح لسان أخوي الشاعر سالم الطرقي

وتم التعديل على القصيدة السابقة كما طلبت طال عمرك

وللإطلاع عليها بعد التعديل اضغط على الرابط التالي

http://www.aljmeel.net/vb/showthread.php?t=15196

صح لسانك شاعرنا المبدع

ســــــــالم الطرقـــــــــــــــــــــي

لوالزمان يطيع ؟؟؟؟؟؟؟؟؟؟؟؟؟؟؟؟

صح لسانك على القصيدة الجزلة

صح لسانك شاعرنا المبدع

ســــــــالم الطرقـــــــــــــــــــــي

السلام عليكم ورحمة الله وبركاته

اخي زعيم الملتقى ..... ارجو منك حذف
القصيده اللتي انت كتبتها بحيث انها ناقصه عدة ابيات

وتثبيت اخر تعديل فيها بخيث انني كتبتها

بالشكل الصحيح وشكراًََ

تقبلوو مروري وأسف لآزعاجكم