إبـــ غانم ـــن
17-07-2008, 12:42 PM
هذه القصيدة للشاعر الشاب /مطلق بن عوده الحريجي، وقد سمعتها ضمن قصائد بشريط اسمه (المراجل) والحقيقة انها جميله جدا واحببت ان انشرها لكم للقراءة والإستمتاع، فاسمعوها:
يامل قلب كل ما قلت داله
انه يذكرني بشرهات وحقوق
ياقلب يا قلب الخطا والجهالة
لاتحسبني بايع الطيب بالسوق
والله وحق اللي عزيز جلاله
لأتعب وراه وكل مطرود ملحوق
مادام راسي عايش يادلاله
تفٍّ على الدنيا وتفٍّ على العوق
رجلٍ بلا عزٍّ محا الله حلاله
لاصار ماياخذ مع العز طاروق
هو يحسب انه ينفعه كثر ماله
ولابد ما يصبح عن المال مفروق
كم واحد للطيب يشعب جماله
يسوقهن للطيب والمرجله سوق
وكم واحد يقول مالي وماله
بينه وبين الطيب باب ومغلوق
المال زينه للرجال ومناله
لاصار يملك به صخيّ ٍ ومرزوق
واليا اجتمع دين ومال وعداله
ويمنى كريمة تعطي المال مدفوق
هذي حلاةٍ بالرجال وكماله
طيبٍ يذكّر به ولاعيشة العوق
الطيب عزّ ٍ للرجال وشكاله
والا الردى يحتال به راعي البوق
والله ماخلي كل طيب وجماله
الا وروحي صاعده للولي فوق
والرزق عند اللي قوي حباله
الواحد اللي رازق كل مخلوق
يامل قلب كل ما قلت داله
انه يذكرني بشرهات وحقوق
ياقلب يا قلب الخطا والجهالة
لاتحسبني بايع الطيب بالسوق
والله وحق اللي عزيز جلاله
لأتعب وراه وكل مطرود ملحوق
مادام راسي عايش يادلاله
تفٍّ على الدنيا وتفٍّ على العوق
رجلٍ بلا عزٍّ محا الله حلاله
لاصار ماياخذ مع العز طاروق
هو يحسب انه ينفعه كثر ماله
ولابد ما يصبح عن المال مفروق
كم واحد للطيب يشعب جماله
يسوقهن للطيب والمرجله سوق
وكم واحد يقول مالي وماله
بينه وبين الطيب باب ومغلوق
المال زينه للرجال ومناله
لاصار يملك به صخيّ ٍ ومرزوق
واليا اجتمع دين ومال وعداله
ويمنى كريمة تعطي المال مدفوق
هذي حلاةٍ بالرجال وكماله
طيبٍ يذكّر به ولاعيشة العوق
الطيب عزّ ٍ للرجال وشكاله
والا الردى يحتال به راعي البوق
والله ماخلي كل طيب وجماله
الا وروحي صاعده للولي فوق
والرزق عند اللي قوي حباله
الواحد اللي رازق كل مخلوق