خلف المهدي
15-12-2009, 03:57 PM
هذه قصيدة قالها الشاعر الكبير / محيا بن شريدة الجميلي بمناسبة عودة الأمير سلطان بن عبدالعزيز حفظه الله إلى أرض الوطن سالما معافى :
يا الله يا الي جملة الخلق ترجيه=يا ضامن رزق الضعيف وحواله
الفضل فضله والمبادي مباديه=ورزقي وموتي ضامنه بالكفاله
بالخلق ما يحصى عطاه وحسانيه=وبإسمك بعثت محمد بالرساله
لا خيب المولى رجا من يراجيه=أنت الكريم وتعطي اللي تشا له
جينا لعبد الله ملكنا نهنيه=ونهني أنفسنا بشيخ العداله
هو خادم البيتين والحكم زاهيه=العاهل اللي ما ندور بداله
ونهني أخوانه وحتى عوانيه=واللي بنجد من جنوب وشماله
تعيش يا قايد علمنا وحاميه=عز الضعيف إليا نصاه ومشا له
سمعت علما يبهج الصدر طاريه=سلطان والدنا وحنا عياله
علمٍ يسر البال والحزن يرميه=بأول شهر عاشور بأول هلاله
يبعد عن الكبد الغليل وتحديه=وكل يبشر بالفرح طاب فاله
تباشرت به نجد واللي ربى فيه=والفضل لله عقب شي جراله
نعد ساعاته ونذكر لياليه=ونبكي على شوفه إليا جا مجاله
عسى رجالٍ ما تعزه وتغليه=يجيب جياب المنايا زواله
ولو ينفدى روحٍ بروحٍ نفاديه=حنا وما تملك يدينا فداله
عن نجد زال الظلم واسمه وراعيه=وتعيش يا راع الوفا والجلاله
أبوه قبله للشجاعة مضريه=كم راس شيخ من علابيه شاله
له وقفة بين الدول نفتخر فيه=عز المواطن والوطن كلنا له
هلا هلا بسلطان وألف هلا فيه=وأنا أحمد الله يوم عاد الشفا له
هلا هلا بأول كلامي وتاليه=بإسمى وبإسم المملكة في كماله
هذي بشاير خير والخير نرجيه=حتى الوطن بادر نواشي خياله
خيّل خياله واستهلت نواشيه=وراع الدبش جت له على شف باله
النفد والوديان سالت سواقيه = واللي يبي نبت الحيا ما عنا له
بقدوم أبو خالد عسى الله يعافيه= نجدٍ تجمل بالحلا من جماله
للشعب خير ولليتامى يربيه=ياما عطا ياما عطا من حلاله
النار ما تكل عظامه وتكويه=كم دولة عاد أمنها واحتلاله
يا الله يا الي جملة الخلق ترجيه=يا ضامن رزق الضعيف وحواله
الفضل فضله والمبادي مباديه=ورزقي وموتي ضامنه بالكفاله
بالخلق ما يحصى عطاه وحسانيه=وبإسمك بعثت محمد بالرساله
لا خيب المولى رجا من يراجيه=أنت الكريم وتعطي اللي تشا له
جينا لعبد الله ملكنا نهنيه=ونهني أنفسنا بشيخ العداله
هو خادم البيتين والحكم زاهيه=العاهل اللي ما ندور بداله
ونهني أخوانه وحتى عوانيه=واللي بنجد من جنوب وشماله
تعيش يا قايد علمنا وحاميه=عز الضعيف إليا نصاه ومشا له
سمعت علما يبهج الصدر طاريه=سلطان والدنا وحنا عياله
علمٍ يسر البال والحزن يرميه=بأول شهر عاشور بأول هلاله
يبعد عن الكبد الغليل وتحديه=وكل يبشر بالفرح طاب فاله
تباشرت به نجد واللي ربى فيه=والفضل لله عقب شي جراله
نعد ساعاته ونذكر لياليه=ونبكي على شوفه إليا جا مجاله
عسى رجالٍ ما تعزه وتغليه=يجيب جياب المنايا زواله
ولو ينفدى روحٍ بروحٍ نفاديه=حنا وما تملك يدينا فداله
عن نجد زال الظلم واسمه وراعيه=وتعيش يا راع الوفا والجلاله
أبوه قبله للشجاعة مضريه=كم راس شيخ من علابيه شاله
له وقفة بين الدول نفتخر فيه=عز المواطن والوطن كلنا له
هلا هلا بسلطان وألف هلا فيه=وأنا أحمد الله يوم عاد الشفا له
هلا هلا بأول كلامي وتاليه=بإسمى وبإسم المملكة في كماله
هذي بشاير خير والخير نرجيه=حتى الوطن بادر نواشي خياله
خيّل خياله واستهلت نواشيه=وراع الدبش جت له على شف باله
النفد والوديان سالت سواقيه = واللي يبي نبت الحيا ما عنا له
بقدوم أبو خالد عسى الله يعافيه= نجدٍ تجمل بالحلا من جماله
للشعب خير ولليتامى يربيه=ياما عطا ياما عطا من حلاله
النار ما تكل عظامه وتكويه=كم دولة عاد أمنها واحتلاله