قصيدة مدح لكل عضو بالمنتدى ((باسمه))

[Mr.K]

بسم الله الرحمن الرحيم

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين ... أما بعد:

أقدم معروض هذا وبه أطلب من الله ثم من كل شاعر هذا المنتدى الشامخ ... >>>> (( الأخ مقدم على وظيفة))

بأن يكتب قصيدة مدح لكل عضو بالمنتدى باسمه <<< ((والله إل يبطون))

وذلك لشحذ الهمة وإشعال الحماس بين الأعضاء ... لكي يشعللون المنتدى >>>> ((ليه داخلين معلب كورة قدم))

هذا ولكم جزيل الشكر والاحترام والتقدير .. وجزاكم الله خير الجزاء <<<< ((العن أم الأسلوب))

مقدم الطلب

المشرف: MR:K


:n200654:

[خاص]

تستاهل الطيبة



وشرايك باقتراح احسن منه ...



تحطون صورة وحنا نعلق عليها ببيت شعر ...


ثم تختارون البيت المناسب للصورة وتدرجونه في الصورة عن طريق الفوتوشب ...


يعني بلغة مدموجة تسمى : [ فوتو صوت ]

[الحسين محمد]

:والله يامصممنا انكم تستاهون قصيدة

لكل واحد منكم.....

شرايك نخلي جائزة أفضل تصميم قصيدة مدح أجمل مصمم<<:fantastic_new: !!!!

[Mr.K]

مشكور اخوي الاديب ... رايا زين والله ... بس انا اقترح يكون في موضوع اخر مستقل

أما الآن نبي القصيدة انا ملزم

اخوي سعد والله فكرة رائعة جدا بس عاد التصميم للمصممين وانتم يالشعراء تكتبون ...

فهيا أروني سطور اقلامك وحبرها المعطر في .. قصيدة (( مدح الأعضاء ))

الف شكر لكما

[Mr.K]

ألا يوجد شعراء هنا

[محسن الجميلي]

والله فكره زينه


فيه شعراء ومايصعب عليهم



وانت طلبت طلبك وان شاء الله يلبون الطلب لانك تستاهل


< يحرش



مشكور مستر كي على هالفكره المنيحه

[سنداللافي]

مستر خالد رايي طيب لتكون في الذكرى
شـكــ وبارك الله فيك ـــرا لك ... لك مني أجمل تحية

[ابوعمر]

مشكور اخي خالد على الاقتراح ونرجوا من الله ثم من شعراء المنتدى
ان يلبوا الطلب

[راع الجنيفا]

طيبه هالفكره يامستر

يالله ورونا ابياتكم

حنا بالانتظار

[محمد الماجدي]

ابشر بالخير يا مستر ........... وانا باجتهد
وابى ابدء فيك
يعنى انا ابى ابدي القاف والشعراء يكملون عليه
وبالتالى تكون قصيده كامله شارك بها كل الشعراء
ولكل الاعضاء

[متعب الجميلي]

أنا اضم صوتي لصوت أخوي الأديب بأن توضع صوره ويتم التعليق عليها من قبل الأعضاء الكرام ولاهو قصور بأراء خواني الأعضاء

[محمد الماجدي]

يا زينها لا صار بالشات مستر .... فى منتدى كله مزايين وخشوف .
أن شهد أنه بالحكى ما يهستر .... لا صار ما يلقى من النافذه شوف .
وأما الاديب اللى ليا صار محتر .... يتعب ترى مع شلفته كل ملقوف
وأمين ما ظني من الطيب يفتر .... والا الردي ما هقوتى فيه مكلوف .
وأدري سعد ما يقعد اليوم يفتر .... له موقفن بين الاجويد معروف .
واللى اشوفه كنه الحر مقتر ..... سند ترى من كثرت الصيد مكروف .
والكايف اللى صار للطيب سنتر .... تلقى خويه دايم الدوم مردوف .
وراعي الريشه كما سيف يبتر .... سيفن على روس الملاقيف موصوف .
وسامحونا
وللقصيده تكتمله
وارجو من باقى الشعراء المواصله فى تكملت القصيده فى مدح الاعضاء
مستر استلم
لنا عوده

[الحسين محمد]

بيض الله وجهك يامحامينا وانتمن اليوم ورايح محامي وشاعرالمنتدى

الف شكرالك

[Mr.K]

بيض الله وجهك محمد الماجدي

كفو يالذيب ... مااقصرت وصح لسانك ... واصل >>> تراني (مصمم + مبرمج + صيانة) يغني "فول كامل">>:smile_71:


================================================== =====================

وينك ياسعد

وينك يالأديب

وينك ياالكايف

وينك ياحمد الحريجي

أين الشعراء .... الأعضاء ينتظرونكم على احر من الجمر :mommy_cut:

[خلف المهدي]

كفو يالشاعر محمد

والله جبتها

[الحسين محمد]

هذه على عجلة من لوحة المفاتيح

وبكرة ان شاء الله تكمله اسماءالاعضاء


بس على شان نشوقكم اكثر




يامحمد دايم بالطيب وافي =ماتجيب من القصيدالا الجزيله
وانت بغيت الشعرتلقالك سنافي=الأديب اللي رقى راس الطويله
وان بحث عن التراث وشئ خافي =الأمين الحمل كله لك يشيله
مع صلاح ومتعب وإبن النصافي=وعافت ابن جلال شيال الثقيله
وان بغيت الهندسه والاحترافي=جاكmr.kعسى أيامه طويله
صمم التوقيع في شكل خرافي=وأرسله لي شوق منقوض الجديله
وأبوعابد بالتصمايم إحترافي=ياعسى الله يحفظه من كل ميله
ومحسن اليامن زهمته بالقوافي=جاك بالتصميم مايرضى الهزيله
وابوناصرشيخناذيب الفيافي=وابوعمرٍ بالمواعظ يحتمي له
والسند نعم السندلاجاك لافي=وراعي الجنيفا بعد مافي مثيله

[Mr.K]

وان بغيت الهندسه والاحترافـي
جاكmr.kعسى أيامـه طويلـه
صمم التوقيع في شكـل خرافـي
وأرسله لي شوق منقوض الجديله



ما شاء الله تبارك الله هذا وانت على الكيبورد

الله يزيدك ابو مروي ,,,

==========================

محمد وسعد

بقي

الاديب

الكايف

حمد

[سنداللافي]

صح الساانك الشاعر محمد الماجدي
واللى اشوفه كنه الحر مقتر ..... سند ترى من كثرت الصيد مكروف
بيض الله وجهك
صح الساانك الشااعر سعد الجميلي ماشاءالله عليكم
والسند نعـم السندلاجـاك لافـي
بيض الله وجهك

وين بااقي الشعرااء

[ابو عابد]

صح لسااااااااااااااااااانك الشاعر محمد الماجدي

وصح لسااااااااااااانك الشاعر سعد عويد



وأبوعابد بالتصمايـم إحترافـي
ياعسى الله يحفظه من كل ميلـه

صح لسانك


وبيض الله وجهك يا وجه السعد ,,


:
:
:
:
:

[الكـ،،،،،،ايف]

تستاهل المدح يامستر...............من دون منه لمسترنا
في صفحة الويب والدفتر.............في مدح حضرتك ما احترنا

اقبلها بداية

[Mr.K]

تستاهل المدح يامستر...............من دون منه لمسترنا
في صفحة الويب والدفتر.............في مدح حضرتك ما احترنا

اقبلها بداية

صح لسانك يالكايف ... ولو اني ما فهمت الشطر الثاني من البيت الأول

هذه البداية مقبولة :s_thumbup:

بقت النهاية:emot30_astonishe:

[الكـ،،،،،،ايف]

يعني مابها منّه

[Mr.K]

يعني مابها منّه


ما شاء الله تبارك


صح لسانك


ياكايفنا


للأمام

[Mr.K]

أين الشعراء

أفاااااا

لا أرضى بقفل الموضع

إلا كل شاعر في المنتدى يضع له بصمة هنا

[Mr.K]

الأديب


أنت من قائمة المطلوبين

حضر هنا

يأخوان واحد يجيبة

لو بإذنه .. عادي

[حمود الحريجي]

مداعبه بسيطه ؟؟؟

اول ماقريت الموضوع طلعت معااي الابياات هذ وهي من بااب المداعبه

ولايقصد بها احد فقط من باب المداعبه

لاتحسبونها ؟؟؟؟؟؟ انتم سنوها ونحن بعدكم


المـــدح ماهـــو سهل يامــدور المـدح *** المــــدح يصلح باللذي لـــه تجــاريب

ماهــو بثورن مع كـــبر قرنه النــــدح *** واليا نـــدح ماعــــقب ندحه تــطابيب

وان جرب الندحه عرف وشهو الردح *** قـــدام يعطـــيك الخــبر والتــسابيـب


هههههههههههههههههههههههه مززززحه اتمنى من الجميع تقبلها ؟؟؟


دمتم بود

[Mr.K]

مزحك ثقيل شوي حمود

ههههههههههههههههه

الله يهديك

اقصد مثل الناس

أمزح معك حمودي لا تأخذ بخاطرك

ههههههه

===================

حمودي شوف لي الأديب وين وجبه هنيا تكفى

===================

يحسب اني ماا أدري وينه

هين هين

[الحسين محمد]

مداعبه بسيطه ؟؟؟

اول ماقريت الموضوع طلعت معااي الابياات هذ وهي من بااب المداعبه

ولايقصد بها احد فقط من باب المداعبه

لاتحسبونها ؟؟؟؟؟؟ انتم سنوها ونحن بعدكم


المـــدح ماهـــو سهل يامــدور المـدح *** المــــدح يصلح باللذي لـــه تجــاريب

ماهــو بثورن مع كـــبر قرنه النــــدح *** واليا نـــدح ماعــــقب ندحه تــطابيب

وان جرب الندحه عرف وشهو الردح *** قـــدام يعطـــيك الخــبر والتــسابيـب


هههههههههههههههههههههههه مززززحه اتمنى من الجميع تقبلها ؟؟؟


دمتم بود



مااجمل المداعبة عندما تظهر لنا هذه الكميه من الشعرشاعرنا حمود

لاكن ترى أعضاءنا مايسامحونك إلا بقصيدة مدح يستحقونها

وانت شاعر جزل مايجي منك الا الجزل..واقبل هذاالرد بالنيابه عنهم::


ياحمودلامن ثار من نارها قدح
..............................نعجبك لامن لولشن الرعابيب
عدونا مثل الطلي نسدحه سدح
.............................ربعك مراقيهم بروس المراقيب
والفعل يفرق يالبناخي عن الصدح
............................حناذيابه وأنت تعرف وش:الذيب

[Mr.K]

صح لسانك يااعمي سعد

[حمود الحريجي]

الاعضاء يستاهلون المدح ان شاء الله

ولكن كل شي بوقته حلو ؟؟؟

مداعبتك عسل يااخي ام ار وخويك اللي تبيني ادوره هو وينه عني

شرهتك على اللي يدري عنه هههههههههههه

اخي سعد الجميلي

صح الساانك ولاهنت واكيد تعجبني لا لولشن الراعابيب



دمتم بود

[تركي الحريجي]

إستلم طال عمرك البيتين ولايهونون الإخوان وإعذرونا إذا ماهى موزونه :) مجرد محاوله بالشعر


لصار مستر كى موجود وحاضر = إبشر بتصميم(ن) مبرمج وكامل
مافيه تقصير(ن) مهندس وشاطر = البرمجه عنده بلمس الأنامل

[الحسين محمد]

إستلم طال عمرك البيتين ولايهونون الإخوان وإعذرونا إذا ماهى موزونه :) مجرد محاوله بالشعر


لصار مستر كى موجود وحاضر = إبشر بتصميم(ن) مبرمج وكامل
مافيه تقصير(ن) مهندس وشاطر = البرمجه عنده بلمس الأنامل



صح لسانك ويستاهل مستر كي

[جابرالمليح]

مداعبه بسيطه ؟؟؟

اول ماقريت الموضوع طلعت معااي الابياات هذ وهي من بااب المداعبه

ولايقصد بها احد فقط من باب المداعبه

لاتحسبونها ؟؟؟؟؟؟ انتم سنوها ونحن بعدكم


المـــدح ماهـــو سهل يامــدور المـدح *** المــــدح يصلح باللذي لـــه تجــاريب

ماهــو بثورن مع كـــبر قرنه النــــدح *** واليا نـــدح ماعــــقب ندحه تــطابيب

وان جرب الندحه عرف وشهو الردح *** قـــدام يعطـــيك الخــبر والتــسابيـب


هههههههههههههههههههههههه مززززحه اتمنى من الجميع تقبلها ؟؟؟


دمتم بود

شكرا لاخي حمود وارجو استقبال الرد...
امجامله مامن يمدور الردح .... مزحه ثقيله كل ابوها عذاريب
الثور ثورن لوتزايد به الندح..والذيب ذيبن لوغدى به تصاويب
خذهاصريحه مابها ريحت المدح...المدح ياقف للجميل المعاريب

وشكرا وصاحب الرد هو محمد بشيت المليح الجميلي
ونعرف نضحك هههههههههههههههههههههههههه:p_03bad_1:

[ابوعمر]

صح لسان الشاعر سعد الجميلي

وصح لسان الشاعر محمد الماجدي

ويعطيكم العافية على المجهود

[Mr.K]

إستلم طال عمرك البيتين ولايهونون الإخوان وإعذرونا إذا ماهى موزونه :) مجرد محاوله بالشعر


لصار مستر كى موجود وحاضر = إبشر بتصميم(ن) مبرمج وكامل
مافيه تقصير(ن) مهندس وشاطر = البرمجه عنده بلمس الأنامل



كفووو

وصح لسانك لا هنت والله يرفع قدرك


بصراحة روعه وألف شكر ...

[خاص]

أستاذنا مستر كي ابيات سريعة جدا :


حيا الله المتواجدين اللي هــنا = واخص كل اللي حضر متصفحـــــك
عساك دايم : [ في سرور وفي هَـنا ] = والله من خيره ورزقه يمنـحــــك
والا انت تستاهل هنا مدح وثنا = (وادعي لك افضل لك من اني امدحــــك )

[Mr.K]

أستاذنا مستر كي ابيات سريعة جدا :


حيا الله المتواجدين اللي هــنا = واخص كل اللي حضر متصفحـــــك
عساك دايم : [ في سرور وفي هَـنا ] = والله من خيره ورزقه يمنـحــــك
والا انت تستاهل هنا مدح وثنا = (وادعي لك افضل لك من اني امدحــــك )


صح لساااااااااااااااااااااااااااااااااااااااااااااااا ااااااااااااااااااانك


الله يوفقك الأديب ويجزاك خير

أجل ابغير اسم الموضوع إلى ( قصيدة مدح من كل شاعر لمستر كي هنا) واثبته بعد

<<< :shy_5new: منحرج

[ابن مالك98]

صح لسان الشاعر ع المدح والمنتدى يستاهل

[ابن مالك98]

صح لسان الشاعر ع المدح والمنتدى يستاهل

[الكـ،،،،،،ايف]

بكل كلمات المدح والثناء والشكر للشاعر سعد الجميلي ... والشاعر محمد المليح على ردهم الجميل على المزح الثقيل

[عيدالصعصاع]

اول ماقريت الموضوع قلت( انفرجت ) نبي منه سلف

والنهايه

( حناعلى نيه واخينا سياسي )

[الأفلاج]

وين ردك

يابو مشل