شد الفراش وهات زين المعاميل
وفحص لي الموتر بكل . الموازين
وشيك على الصوفه وسير المحاحيل
وبدل خراطيشه عن الصفط واللين
واظبط زيوت القير والترس تبديل
ورصص جنوطه والتواير بوالين
واخذ البنادق والفشف والدرابيل
ومر المحاط وفول الجكس بانزين
وكمل لي. العزبه. وزود لي الكيل
قبل طلوع الشمس والصبح ماشين
نبي . لنا. . صيدا بقفرا. وتعاليل
شوف القطا يطرب له البال ويزين
حط الدلال وفوح البن. والهيل
تمر الحسى وخلاص من كل نوعين
يجلي عماس الراس. يشفى المعاليل
واضبط لنا البراد خادر وبا الصين
جروم رمث وعرفجه باالعدابيل
يم الحدود اللي بها الصيد محرين
مع. خوة .رجال..السعد و الحلاحيل
سمح الوجيه اللي على الطيب ضارين
هم غايتي هم مكسبي. والمحاصيل
يفرح بهم قلبي ولا الروح غالين
قل الكلام يفيد باالقال. والقيل
ميزه على كل الرجال. وموازين
ودي بخوتهم ومشتاق باالحيل
على صلاح. الدين ننوي . وصافين
يم الديار. اللي بها النقع. والسيل
طيار كدري. والقطا جول وثنين
سود الثنادي لونهن كا الغراميل
كدري على ذكري ولا هن كراوين
من طردهن ذقنى مطبات والويل
هن. منوة القناص من دون. حدين
حول بهن من عالي الجو . تحويل
محوال فرخ مقرنسات. الشياهين
يبي العشا والوقت ظايقه والليل
شكلبهن يخوك وركد لهن زين
مد. السلاح وخل. رميك تهاويل
خل القفوش تثور. مثل. البراكين
حس البنادق. كا الرعد. والمواويل
يطرب هوا بالي من. يسار ويمين
تكدسن من عالي الجو . تنزيل
تعاقبن باالريش. عكف . الجناحين
كم شرد ينهض عن الارض ويشيل
فارق طياره والشبب صار هاالحين
رمي. النشاما. كاسبين. التنافيل
اللي. لهم باالطيب بصمه وتدوين
#خالد حامد# قصيدة القنص
والنشاما اللي شرواكم
آخر 10 مشاركات
الإهداءات
منذ /11-12-2017
خالد حامد غشم المحارب الجميليقصيدة القنض شد الفراش وهات زين المعاميل
العرض العادي
