مرثية لوالدين الله يرحمهما

بسم الله الرحمن الرحيم

يالله ياللي غافر الذنب والخطا

الميت والحيين ترجي ثوايبة

الواحد اللي ترجي الناس رحمتة

عليم ماتخفى على الله غايبة

نرجية بالتقوى والارواح بالجسد

العفو قبل القبر تبنا نصايبة

يالله ترحمنا وتغفر ذنوبنا

خير العباد اللي عن الذنب تايبة

ادعي ونا في قمت الحزن والاسى

ماداج بالخاطر بالامثال جايبة

بسباب فقد اعز مخلوق بالبشر

اللي عليها دمعت العين رايبة

امي ونا من دونها فاقد الامل

غابت وكن الشمس ياسعود غايبة

ياسعود غاب النور من غاب نورها

جرح الحشا ماظن تبرى صوايبة

الله يرحمها ويغفر ذنوبها

ويضفي عليها برحمتن من وهايبة

فلا آله الا الذي خالق البشر

عليم تصريف الزمان وسبايبة

يثيبني جزل العطا في مصيبتي

وصارع الونات والدمع جايبة

من حيث لأني فاقد ابوي وامي

وشحيلة اللي فاقد اغلى حبايبة

امي اساس الدار وابوي سورها

ذراي عن جور الزمان ومصايبة

عساه في جنات الابرار مسكنة

الراشدين اهل الهدى من صحايبة

وخير الكلام بكلمتن نختصربها

مقل دل وزبدة الهرج صايبة