محاورة شعرية بين الشاعر : حمود بن حفر والشاعر : فهد بن سويلم

حمود ابن حفر

الا يافهد بعض السوالف عواقيب
حمولن علئ من ينتهجها كبيره
كبير النصارئ ياخذ العلم ويجيب
من اهل السياسه والوجيه السفيره

فهد ابن سويلم

تجنب عن الاصوات واقنب مع الذيب
الاصوات وااجد والسوالف كثيره
عسئ الله يعز امغلفين المكاااتيب
علئ الظرف علم وداخل الظرف غيره

حمود ابن حفر

وعدنا عن الوادي ف روس المراقيب
عسئ فالامر ياوااااااااعي الفكر خيره
يقولون رااااع الريب مايترك الريب
ياااالينه يوقع فالرحئ المستديره

فهد ابن سويلم

توكل علئ الله وامش ياراعي الطيب
نسيم الهبايب قام ينفح عبيره
ورجلن يطيع امغثربين المشاريب
يصبح علئ عله ويمسي بحيره

حمود ابن حفر

علئ الله مغيره عالم السر والغيب
تبي تمسي بديره وتصبح بديره
رحئ الوقت تطحن والليالي دوالايب
وكلن يواجه من طبوعه مصيره

فهد ابن سويلم

علينا حقوقن للرجال ومواااجيب
ولاولعت ياجعلها في سعيره
علئ الكون كله تظهر الشمس وتغيب
ولومادرت عنه العيوون الضريره

حمود ابن حفر

ليا سلم حلقك من قريب المحاضيب
تحمل شروره لاتحاشيت خيره
رفيق الاظله لوكسئ راسه الشيب
يجير الاظله والاااظله تجيرررره

فهد ابن سويلم

عسئ الله يديم الاجنحه والمخاليب
تعش الصقر وان طار يبعد مطيره
صفوف العرب ياحمود تحتاج تعريب
وراع الحظيره ماتعداء الحظيررره

حمود ابن حفر

ياصقر المعالي فالكواكب عن العيب
تعليت وكرن فالنجوم المنيررره
مدامك قيادي ممتطي شمخ النيب
لاتشغلك ناسن بالمطامن اسيره

فهد ابن سويلم

انا خابرك ياحمود راعي هنااااديب
زمانن مضئ يوم التماس الظفيره
هل العرف تغلب بعضها بالاساليب
وانا خابرك سيفن يصد المغيره

حمود ابن حفر

بعض ناس معهم خضت بعض التجاريب
وإلا هُم (سٍلااااااح ) ابدون زند وذخيره
بٍلا شك ياراااع السيوف المعاااطيب
هل العرف ماهم كالعقول الصغيره

فهد ابن سويلم

زمان الشقئ جاب التجاااعيد والشيب
وساعات قبل الفجر داايم خطيره