قصيدة الشاعر / فهيد باطح الجميلي
أبتلزا مير ماالبال منساح
قالو وشعلمك قلت لاتنشدوني
هنيت من باله سليم ومرتاح
ماله ومال الناس لويوحذوني
ماجرب الفرقى وخاف الخشاء باح
من الباديه يوم أفتراق الضعوني
شدو من الماء مالهم كل ميلاح
يتلون مشهاهم على مايبوني
ودنو ثقيل الزمل من فجر الأصباح
مستعجلين وعدهم يتهمومي
بمراحهم تذري الهبايب والأرياح
وسكانته ماعدهم يهلموني
خلو علامات على المرح طياح
جف التنك ومقرقعات الشنوني
نطيت لي رجمن على رأس ملواح
و أخيل بعيوني توالي الضعوني
فاتت ظعينتهم من القاع مشواح
ساعه تبين وساعه يختفوني
تخالطت حولاتهم هي والأشباح
وتوزلفن أبهم طوال الضعوني
يمكن معشاهم على الأبل مرواح
وأهل الغنم من دونهم يمرحوني
معهم وليفلي ماشيلي بالأنصاح
ودي بقربه لوأهله مايبوني
وأعطيه محاسن يديني والأرباح
وياليت أهلها بالطمع يسمحولي
هذا الهوى غبة بحر وأنت سباح
ناسن تضيع وناسن ماينجحوني
يفتحلك أبواب السعاده والأفراح
وعقب الطرب لازم تشوف الغبوني
يم جيرة الله ياضعن أحدن راح
كلن يهون وفرجته ماتهوني
يوم الأفراق أقشر من أخاذ الأرواح
وتالي الوداع مشاهدن بالعيوني
//// معليش عن بعض توضيح الكلمات /////